雙紅會凌晨三點開戰

足球港場 於 19/04/2022 發表 收藏文章
雙紅會凌晨三點開戰🔥
🔴利物浦 對 曼聯👹
loading

利物浦首循環5比0血洗奧脫福,比賽中呈現兩個級數嘅球隊對碰,而現時嘅利物浦比起半年前,更加有變化👀
利物浦近12場聯賽不敗,剛剛嘅足總盃四強更加以體力同逼搶力量3比2淘汰曼城,即使沙拿2月後到現時為利物浦上陣15場貢獻5球2助攻,但拍檔文尼狀態大勇近4場入4球⚡️陣中仲有爆破力十足嘅迪亞斯,非常期待佢同雲比沙加嘅對決😈而其實今晚強弱懸殊嘅對碰,正正就係大好機會俾沙拿重拾狀態,特別係對位嘅泰利斯防守實力未到頂級,因此利物浦今晚想輸都難😳
曼聯方面上場由C朗帽子戲法擊敗榜尾諾域治,由季中顆粒無收比一眾球迷怒插老了,早幾日帽子戲法又話頂班😂不過,重燃希望後,就等利物浦幫你認清現實🥲
曼聯上場對榜尾球隊都可以被打到中門大開,確實係唔合格,其中麥龜「虎尾腳」傷及普巴更加係搞笑🤣但以上場錯漏百出嘅狀態對住利物浦,真係好難避免再輸五球💩參考返首循環對利物浦,兩邊翼鋒甚少回防導致兩邊形成真空,不過對比起蘇B嘅「自由行」,相信蘭歷克會知道問題所在,所以能否減少失球就在於辛祖同伊蘭加嘅防守能力😢同時間,費特、麥湯、卡雲尼、梳爾因傷缺陣,華拉尼上陣成疑但無同大隊操練,中場只有普巴同馬迪,但以利物浦高速運轉嘅體系,希望紅軍能夠手下留情🤥
預測賽果💡
3.5球大🚨
如果睇到呢度,不妨follow我地嘅instagram睇到更多唔同嘅足球資訊!
IG : Footballarena_hk
Facebook: 足球港場
loading

標籤: 英超  雙紅會  曼聯  利物浦  沙拿  文尼  C朗  C朗拿度  高普  普巴  

留言


請按此登錄後留言。未成為會員? 立即註冊
    快捷鍵:←
    快捷鍵:→