紐卡素95分鐘絕殺李斯特城

紐卡素95分鐘絕殺李斯特城⚡️

李斯特城作客嚟到聖占士公園，今仗由達卡拍住艾約斯佩雷斯同盧克文攻堅，而客隊上半場持球時間居多，經常嘗試兩路突破傳中👀去到19分鐘，李斯特城右路一次角球，杜斯貝利賀爾開地波直去小禁區，佩雷斯回後由盧克文撞射入網🤯呢個罰球攻勢非常驚喜，因為要有練過先做到，但佩雷斯其實係2022年甚少有機會上陣，所以靠角球攻勢入球兼如此刁鑽，真係賽事其中一個焦點🎯而李城除左角球攻勢做得好，防守都算唔錯，因為當聖麥斯文拖波想突破時，盡量都有兩個李城球員封住，令聖麥斯文威力大減👀去到30分鐘，紐卡素靠角球還以顏色，甘馬雷斯門前連踢門將舒米高腹下皮球幾下篤入，上半場追平1比1🤝
換邊後紐卡素球員攞返個勢，防守時4-5-1陣式亦令李城進攻陷入呆滯，當中甘馬雷斯已經幾次作出具威脅嘅傳送，對比起聖麥斯文空有速度同突破，但最後一傳一射都係令人失望🥲而巴西國腳甘馬雷斯係下半場亦打出身價，既能夠中場推生個波，又會勤力回防攔截，基本上係一個全面嘅球員😳
95分鐘李城進攻不果，紐卡素快速反擊，韋洛克左路帶球壓落底線傳中，皮球雖然碰到艾馬迪，但恰巧地傳到甘馬雷斯頭鎚頂入，最終甘馬雷斯95分鐘絕殺，個人梅開二度兼2比1反勝李斯特城🏰紐卡素除左2022年主場繼續不敗，贏波後更以37分排係第14位，距離傳統護級線嘅40分只差3分😈
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場