白禮頓擊殺爭四嘅倫敦雙雄

白禮頓擊殺爭四嘅倫敦雙雄🤯

估唔到之前連續七輪英超不勝嘅白禮頓，上週作客2比1擊敗阿仙奴，今日竟然絕殺熱刺，成為爭四直路嘅攪局者👀嚟到熱刺大球場，今日白禮頓擺出3-5-1-1奇怪陣式，由麥阿里士打擔當箭頭，但呢位阿根廷國腳過往都係打攻中同左翼衛居多，同時白禮頓更收起正前鋒嘅馬奧比同韋碧克，令人睇唔明佢嘅意圖🤔
上半場陣地戰居多，加上白禮頓針對性招呼哈利簡尼，令其好拍檔孫興慜冇乜機會發揮速度，全隊進攻死火，上半場熱刺更只有1次射門🥵
雖然白禮頓經常控球在腳，幾次角球攻勢同組織都具有威脅，但往往埋門一腳就欠缺質素，所以領隊撲達都係下半場換入韋碧克嘗試增強攻門能力🫠然而下半場熱刺攞返個勢，壓住作客嘅白禮頓，但中後場搓波經常被攔截，中場嘅比素馬又閘得又可以從人群中推出嚟，後場嘅古古利拿防守100分，令熱刺嘅進攻再次陷入僵局，即使64分鐘換入摩拉亦無轉機🥸要數到熱刺真係有威脅嘅進攻組織，要去到75分鐘靴爾堡右路底線橫傳到尾柱，列古朗門前撞射不及出界，今日佢攻守都唔能夠完全頂替受傷嘅杜靴迪👀去到90分鐘，多次威脅熱刺嘅客隊，終於靠住杜沙特禁區混亂中cup入小禁區，腳面片到遠柱，絕殺熱刺終止英超四連勝⚡️
熱刺輸波後仍然排喺第四位，同阿仙奴相差3分但打多1場，數字上曼聯熱刺阿仙奴三隊都有機會。
P.s 杜沙特啲起腳差到咁都有波入🥲
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場