突發：般尼領隊戴治被炒

突發：般尼領隊戴治被炒🤯

執教9年半兼五大聯賽現伇執教同一支球隊最長時間嘅戴治竟然被炒🤯般尼今季戰績雖然係唔理想，兼且正為護級而戰，近7場英超亦只贏一場😟但問題係得返8場波，兼且本身已經打緊傳統英式嘅踢法，呢個moment炒人未必係有用嘅方法🥵若然談及戴治嘅執教功力，踢開嘅4-4-2陣式亦係般尼嘅代名詞，而管理層嘅有限投放，令佢亦只能係有限資源打有限嘅波，今季嘅買人方針其實亦做得唔錯，包括係買入哥尼特 (Maxwel Cornet)同韋荷斯(Wout Weghorst)，前者20場聯賽交出7球1助攻，後者亦努力融入英超，12場有1球2助攻🥸係英超軍備競賽之下，不進，則退，能夠係歐洲競技水平最高嘅英超立足9年半，並且連卻奧斯提到英超第一隊提起嘅球隊都係般尼，戴治雖然被炒，但絕對不能忘記其功勞🙌🏻
而接下來就要睇下一任教頭，同埋般尼能否護級成功了🥺暫時般尼同愛華頓相差4分，數字上仍有機會嘅🤔
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場