英超或成歐洲賽最大贏家

英超或成歐洲賽最大贏家🙌🏻

歐聯四強🏆
🔴利物浦 對 維拉利爾🟡🌙曼城 對 皇家馬德里⚪️🟡
歐聯四強有利物浦同曼城就唔洗多講，兩隊嘅實力出眾，英超兩戰都未能分出勝負，根據Fivethirtyeight嘅預測，曼城同利物浦都有42%嘅機率捧起歐聯冠軍，皇馬就有10%，而維拉利爾就只有6%，睇嚟曼利之爭將會移師到歐聯決賽👀歐霸盃四強🇪🇺
⚒️韋斯咸 對 法蘭克福🇩🇪
🇩🇪RB萊比錫 對 格拉斯哥流浪🏴󠁧󠁢󠁳󠁣󠁴󠁿
隨住巴塞爆冷被法蘭克福係次回合3比2淘汰出局，終結過去8年都有西甲球隊殺入歐霸盃4強嘅紀錄🥵同時間韋斯咸即使有蘇馬缺陣，仍然有科奴斯兩助攻，懷斯統領防線兼策動進攻，協助鎚仔幫淘汰里昂殺入四強，要記得兩年前莫耶斯仲係帶領緊球隊護級，現時已經脫胎換骨，入球嘅多臣由屈福特嘅棄將變成殺手，查洛保雲越打越好，查洛保雲絕對係英超被underrated嘅球員之一🙌🏻成為奪冠大熱門嘅佢地，係時候真係可以諗吓全力衝擊歐霸盃搏歐聯🤪
歐協聯四強🙌🏻
🦊李斯特城 對 羅馬🇮🇹
🇳🇱飛燕諾 對 馬賽🇫🇷
李斯特城昨晚嘅反勝激動人心，絕對值得再睇一次，或者睇返我地上一篇帖文🤣但未來對手係daddy摩連奴領軍嘅羅馬，到時候摩連奴再臨英倫，真係難以對付，不過李城比起羅馬更需要歐協聯冠軍，以球員士氣同科芬拿鎮守後防，仲有華迪有機會係4月尾能夠及時復出，即使會係硬仗但仍有力一戰🔥你又睇唔睇好三個歐洲盃賽都由英超球隊勝出呢🤪
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場