阿巴莫域治欲購新「玩具」

阿巴莫域治欲購新「玩具」🚂

基於俄羅斯入侵烏克蘭，俄羅斯油王阿巴莫域治受到英國制裁，逼使佢要將20年嚟嘅心血賣走，而隨住時間過去，車路士仍未完成賣盤，謠言滿天飛，甚至傳出阿巴莫域治受到俄羅斯落毒報復佢為俄烏局勢談判🥵正當面對西方制裁，油王對足球嘅愛從未減退，近日就有傳阿巴莫域治嘅魔爪想延伸到西甲聯賽🇪🇸
華倫西亞前副會長就透露班主林榮福曾經收到阿巴莫域治嘅報價，事實上林榮福自2014年成為華倫西亞嘅班主後，未有巨額投資，照樣複製過往變賣球星營運嘅方針，19/20賽季戰績下滑，20/21賽季受到肺炎影響，直接出售多名主力，包括費蘭托利斯、去左列斯聯嘅洛迪高、干奴比亞、高基連同柏利祖，主力出走下聯賽排名跌到落第13位，令球迷極為不滿，甚至上街抗議鬧爆班主🤯
根據Sky sports報導，當車路士完成賣盤，阿巴莫域治將會嘗試購入華倫西亞，而即使阿巴莫域治嘅特殊背景兼正受制裁，相信華倫西亞嘅球迷都會歡迎佢，而未來華倫西亞會唔會崛起成為西甲一方霸主呢😈
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hkFacebook: 足球港場