巴塞絕殺力保聯賽7連勝

巴塞絕殺力保聯賽7️⃣連勝🔥

巴塞隆拿作客利雲特嘅西甲聯賽，巴塞可能受到週中打歐霸盃嘅影響，上半場空有控球但埋門威脅唔大，相反利雲特就有單刀機會😳上半場兩隊互交白卷，下半場巴塞後防繼續出事，先係52分鐘丹尼爾艾維斯禁區撞跌對手，利雲特隊長荷西摩拉利斯操刀射入十二碼⚡️不過一不離二，3分鐘後到艾歷加沙亞犯手球又輸十二碼，幸好有達史特根力挽狂瀾🙅🏼‍♂️沙維亦馬上換入柏迪同加維兩位年青小子加強攻力，不過今日首先回饋沙維嘅係丹比利，因為佢係59分鐘又交出一個助攻，今次就係助攻舊隊友奧巴美揚門前頂入追平比分，4分鐘後到加維柏迪連線，加維右路直接突破對手傳中，柏迪立即抽射反超前比分🔥
然而前線入幾多都無用，因為後面又輸第三個十二碼，今次到朗格勒禁區侵犯對手，83分鐘被利雲特追平2比2，最後92分鐘後備上陣嘅盧克迪莊門前接應佐迪艾巴傳中，頭鎚絕殺利雲特，幫助巴塞穩坐西甲第二🤯
今場嘅功臣除左有助攻嘅丹比利，近5場入3球嘅柏迪，同絕殺嘅盧克迪莊之外，當然有賴決斷嘅沙維，西甲15場聯賽連續不敗，兼且係2月起9場聯賽嘅27分攞到25分，絕對係今季歐洲最佳教練之一👍🏼如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場