孫仔帽子戲法保住熱刺前四

孫興慜帽子戲法力保前四🔥

當曼聯輸比愛華頓，阿仙奴輸比白禮頓，前四主導權就落係熱刺手中，而熱刺係干地嘅帶領下就無參與「讓四大戰」，反而大勝一場⚡️熱刺作客嚟到維拉公園，一開波3分鐘就取得入球，維拉中堅干沙頭鎚解圍失誤，簡尼起腳省中卡殊，由孫興慜補射入網⚽️
落後嘅維拉除左積極反撲，更加食左火藥，因為佢地落腳相當凶狠，令到左翼術嘅杜靴迪都要退下火線，而上半場嘅進攻除左靠積及藍斯嘅表現，前鋒丹尼京斯嘅表現絕對係水準以下👎🏼
換邊後5分鐘，維拉壓前進攻令熱刺有大量空間打反擊，古路錫夫斯基窄角度抽入👹去到66分鐘熱刺後場反擊，第一點搵到簡尼，頂比再前一點嘅孫仔單刀入網梅開二度🔥下半場維拉一直空有控球，埋門次數卻只有5次，相反熱刺下半場除左打好防守基礎，係71分鐘仲打出一個精彩反擊，先搵簡尼，比直線孫仔，再比衝上嚟嘅古路錫夫斯基，再傳返比十二碼點嘅孫仔，71分鐘上演帽子戲法🎩
最終熱刺作客4比0大勝維拉，英超四連勝，孫興慜大演帽子戲法，今季係27場聯賽攻入17球6助攻，簡尼12球8助攻，1月加盟嘅古路錫夫斯基10場已經交出3球6助攻，睇嚟呢個三箭頭有望幫助熱刺穩坐前四🤪
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hkFacebook: 足球港場