曼市新光頭佬 - 坦赫將成為曼聯下季新領隊

突發：坦赫將成為曼聯新領隊👹

根據ESPN嘅報導，曼聯將會馬上完成任命坦赫成為下季曼聯新領隊嘅手續😳👹普捷天奴同坦赫兩者之間，19/20賽季歐聯四強熱刺對阿積士後再戰，但今次由坦赫勝出，而現任過渡領隊蘭歷克將會係季尾完成領隊任務，不過曼聯嘅未來是否立即變得明朗呢👀
首先坦赫由2017年12月起執教荷甲勁旅阿積士，當時19/20賽季阿積士「青春風暴」歐聯殺到四強就係靠佢帶隊，重用年輕人同逼搶戰術成為佢嘅招牌⚡️
不過，阿積士有完善嘅青訓系統，全荷蘭具有潛力嘅年青人一季接一季咁升上一隊，而且阿積士嘅歐聯嘅要求並不是超級高，畢竟實力有限，所以坦赫領軍上所面對嘅挑戰唔算太大🥵相反，下季執教曼聯，先不論英倫傳媒嘅苛刻同曼聯係最吸引目光注意嘅球隊，曼聯陣中山頭四起，福仔忙於派飯，麥龜又做隊長，由完善制度變成問題處處，坦赫未必能夠順利解決所有長年積壓嘅問題，所以勸勉一眾曼迷唔好期望過高💡
最後或者要引用雲高爾對坦赫嘅勸言：「坦赫是個優秀的教練，對曼聯一定有好處。不過，曼聯是一間商業球會，對任何教練都是困難的選擇。他還是去間真正的足球球會更好。」
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場