五大聯賽最後直路 - 西甲

五大聯賽最後直路 - 西甲🇪🇸

趁住國際賽期，一齊睇下五大聯賽爭冠嘅最後直路，第四個聯賽嚟到峰迴路轉嘅西班牙甲組聯賽🇪🇸
1️⃣皇家馬德里 29場66分
2️⃣西維爾 29場 57分
3️⃣巴塞隆拿 28場 54分
4️⃣馬德里體育會 29分 54分
1️⃣皇家馬德里⚪️🟡皇馬現時能夠排喺第一位，除咗係西甲大會嘅狀態低迷，全賴賓斯馬一人，25場22球11助攻，絕對係隻手遮天嘅數據，但若然缺乏賓斯馬，勝率就降至一半，上場國家打吡就見到無賓斯馬，皇馬進攻死氣沉沉🥶因此，皇馬雖然同西維爾有9分差距，但只要無左賓斯馬將會陷入險境，所以即使奪冠之路相對樂觀但仍有風險😶‍🌫️
2️⃣西維爾⚪️🔴作為歐霸盃王者嘅西維爾，今季竟然喺歐霸盃十六強止步，但其實佢哋喺聯賽一直緊咬皇家馬德里🥶西維爾係全西甲失球最少嘅球隊，而入球數對於前列球隊嚟講亦比較失色，因為上季大爆發嘅安拿斯利已經打回原形，所以球隊依靠嘅，就係曾經同車路士傳得好近嘅中堅觀迪，仲有非常有推進同突破能力嘅左閘阿管拿(Marcos Acuna)😳
然而係嚟緊嘅9場聯賽，西維爾要先後對戰所有前四球隊，所以佢地爭冠無望，甚至保住前四都有啲危機🥵3️⃣巴塞隆拿🔵🔴
巴塞隆拿自沙維上任後16場聯賽只敗一場，齊集冬窗四人組後更加打出6勝1和嘅戰績，當中絕對要提到剛剛4比0血洗皇馬嘅國家打吡戰，球隊防守一致有序，逼搶有方向並且團結一致，如果把握力再好少少相信比分會更加誇張🥵
氣勢如虹嘅情況下，球隊雖然要雙線作戰，但同時亦無乜傷兵，特別係生性嘅丹比利，一眾巴塞球迷真係倍感安慰，暫時爭冠機會唔大，但爭第二就好有機會，嚟緊嘅星期一巴塞對西維爾嘅大戰將會係一場「6分波」，到時捱夜都要睇🔥
4️⃣馬德里體育會🛡
上季冠軍嘅馬體會今季都可以講係其中一支谷底反彈嘅球隊，因為賽季中段佢哋受傷病潮影響，一對中堅沙域同荷沙占美利斯、哥基、基沙文等，球隊唔同位置都出現傷患，但巧合地替補嘅球員亦打出表現，包括洛迪、干奴比亞，仲有近期回勇嘅祖奧菲歷斯，所以馬體會就憑著貝迪斯回落之際上返前四，相信佢哋暫時嘅目標都係保住來年參戰歐聯嘅資格🧐
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場