2021年度話題球員第4位 - 當拿隆馬

2️⃣0️⃣2️⃣1️⃣年度話題球員第4位✨
Gianluigi Donnarumma - 當拿隆馬🇮🇹
現時22歲嘅門將當拿隆馬，今年除左由AC米蘭轉會到巴黎聖日耳門同美斯做隊友，更加幫助意大利成為歐洲大陸嘅王者👑
🇮🇹2020/21賽季意甲最佳龍門
🏅歐洲國家盃最佳球員獎🏅歐洲國家盃最佳陣容
🏆歐洲國家盃冠軍
🏅歐洲國家盃決賽最佳球員
呢張成績表對於年青嘅當拿隆馬，簡直係揭開人生嘅新一頁📚
上半年仍然效力AC米蘭嘅當拿隆馬，一直把守最後一關，係2021年起計算24場聯賽攞到10場Clean Sheet，幫助球隊保住意甲第二位，而佢嘅實力表現都引起PSG嘅注意，並係歐國盃前已經簽下佢，但同一時間卻被米蘭球迷稱佢為「叛徒」😧
然而，令佢人生截然不同嘅轉捩點，正正就係6月嘅歐國盃，呢個係證明自己嘅好機會✨3場小組賽一球不失，四強對西班牙撲走兩球十二碼，決賽激戰120分鐘，十二碼階段先後撲走辛祖同19歲薩卡仔嘅十二碼，撲走關鍵一球後仍然冷靜走向龍門旁邊，當刻成功登上歐洲頂峰但毫無反應，因為撲十二碼十分集中，令佢贏到冠軍都無反應，或者呢個係佢成功元素之一🤣今屆歐國盃亮眼表現，令佢當選決賽最佳球員、賽事最佳球員同最佳陣容✨奪冠過後正式接受新挑戰，當拿隆馬係9月12日正式上演法甲地標戰，不過法甲只係一個普通嘅舞台，更大嘅舞台在於歐聯戰線🇪🇺然而，美斯嘅到來抬起南美幫係陣中嘅勢力，南美洲出身嘅拿華斯能夠攞返出場時間，令當拿隆馬嘅上陣時間受到考驗，而佢亦需要耐心等候機會，畢竟佢只係一位22歲嘅少將，前途無可限量🌟
當拿隆馬今年嘅成績，係意甲同法甲未必令太多人注意，但歐洲國家盃4個十二碼撲救，已經令佢係今年聲名大噪，希望佢係來年能夠把握機會展現實力💥
如果睇到呢度，不妨follow我地嘅instagram睇到更多唔同嘅足球資訊！
IG : Footballarena.hk