干地領軍戰和利物浦 英超繼續不敗

熱刺2️⃣比2️⃣戰和利物浦，干地領軍之下英超繼續不敗🔥

今場Big Six大戰可以講係非常激烈，並且好多事情發生😵‍💫熱刺方面唔少球員終於康復並且復出，不過球員發揮明顯受到限制，孫興慜上半場嘅兩次單刀空龍不入，迪利阿里都有一次單刀不入，上半場未能把握機會可謂十分可惜🥴而利物浦方面今場主力中場冇人能夠出戰，令到中場用上拿比基達、占士米拿同19歲嘅摩頓，除咗默契度不足，後防亦相當混亂，令到對手有唔少空位打反擊，哈利簡尼係13分鐘攻入今季英超第2球，但幸好利物浦嘅左路都係質素較佳，令到上半場可以打和入更衣室😢下半場比賽變成55波，雙方都有機會，而高普係60分鐘都換入費明奴博贏，4個進攻點都令客隊得到回報，69分鐘羅拔臣攻入一球，不過入球就相當有爭議性，先係沙拿有手球之嫌，文尼亦踢中龍門羅列斯而非皮球，不過都判斷為入球👀但5分鐘之後，全場表現好嘅門將艾歷臣突然失誤出迎踢失，由全場表現都麻麻嘅孫興慜把握機會射入空門追平比分🤧然而77分鐘，羅拔臣連消帶打踢向艾馬臣，球證睇完VAR改判紅牌，打少一個嘅紅軍就以1分為目標，但熱刺就希望把握人數優勢全取3分，相繼換入進攻球員列古朗同盧卡斯摩拉，但始終體力有限，去到尾段孫興慜都無力再走，最終熱刺成功以2比2戰和利物浦，干地重返英超後繼續不敗！
P.s 今場嘅判決相當有爭議性兼不一致💭
如果睇到呢度，不妨follow我地嘅instagram睇到更多唔同嘅足球資訊！
IG : Footballarena.hk