謝拉特倒戈晏菲路雖敗猶榮

謝拉特領軍阿士東維拉倒戈晏菲路，雖然1比0落敗予利物浦，但一啲都唔失禮👀
一如所料，利物浦主導形勢全場圍攻，20次射門8次中龍，Expected goal高達2.48，但能夠成功入球嘅只係一球十二碼，當然利物浦嘅把握力今場係差少少，但不得不提維拉整體嘅防守力，龍門馬天尼斯4次撲救，防中道格拉斯路易斯十次爭奪成功，6次搶返皮球，而整體防守緊密減少失位，係對手上半場用張伯倫又無拉邊嘅情況下成功守和，但下半場明斯一次失誤輸十二碼後，謝拉特相繼換入貝安迪亞同丹尼京斯增強攻力，最後10分鐘先係維拉嘅重要時間，雖然最後未能成功起腳射門，但都製造左唔少混亂情況，特別係門將艾利臣今日有啲失神🥱比賽過後謝拉特接受訪問：「呢場比賽反映出兩隊嘅差距，利物浦喺轉守為攻同禁區嘅處理相當好，而呢個係我哋預期之內，而我哋今場嘅部署就係限制佢哋嘅起腳距離，再嘗試透過進攻球員打反擊，不過我哋最後輸一個十二碼，但全場來講利物浦確實比我哋更勝一籌。」奧雲就問到：「Steven，我同你都以唔同身份回歸晏菲路，今日你嘅感覺如何，我必須承認我自己相當討厭去到晏菲路🤣」謝拉特回應返佢：「假如我係曼聯球員去到晏菲路都會相當討厭呢度🤣不過你明白我嘅感受，過往嘅經歷令我好榮幸得到呢一切，我永遠都係利物浦嘅球迷，然而現時我接管維拉都係初期階段，我哋仲需要發展球隊，最重要嘅係帶領阿士東維拉去到上游位置。」最後阿士東維拉雖然落敗收場，但以整體防守同人腳質素打到呢個成績，已經相當唔錯，嚟緊佢哋將會迎戰諾域治同般尼，相信呢六分都會容易落袋🥺如果睇到呢度，不妨follow我地嘅instagram睇到更多唔同嘅足球資訊！
IG : Footballarena.hk