英超賽季預測 - 「足總盃冠軍」李斯特城

足球港場 於 03/08/2021 發表 收藏文章
英超賽季預測🏴󠁧󠁢󠁥󠁮󠁧󠁿第5️⃣名 李斯特城
loading

「足總盃冠軍🏆」李斯特城上季以20勝6和12負,以66分排係第五位,連續兩季衝擊前四都係臨尾香排係第五,不禁令一眾支持者氣餒😩
上一個夏天被車路士以五千萬鎊收購捷維爾,而精明嘅轉會團隊已經好好利用收返嚟嘅轉會費,先後從法甲聖伊天收購年青中堅科芬拿,仲有係意甲阿特蘭大購入閘位球員卡斯坦尼,兩個球員都係嚟自節奏較慢嘅聯賽,加上名氣不大,不禁令人質疑佢地嘅實力🥺
球季展開,伊雲斯同列卡度彭利拿仍未康復,尼迪迪呢位中場大將都要退居中堅頂住先。參戰歐霸盃賽事嘅李城係10月尾都要面對兩條戰線,對住不知名球隊都算係實食無癡牙,其中更有一場5️⃣比2️⃣大勝曼城,有靠球隊嘅團結一致同羅渣士嘅戰術✨完成歐霸戰線後,係12月中開始更加打出一波18場只有2負嘅戰績,當中華迪、哈菲班尼斯同占士麥迪臣合作無間,加上兩閘壓前同球隊嘅逼搶戰術,令李斯特城得以長期留係前四🔥
去到2月,可能係泰國僧人嘅祝福未能夠保佑球隊🙏🏼華迪接受手術缺陣,能左能右嘅祖斯甸傷十字韌帶賽季報銷,哈菲班尼斯受傷先抖6星期,其後都係賽季報銷,3大主力缺陣,係歐霸盃對戰布拉格斯拉維亞嘅時候輕敵,被對手擊敗淘汰出局,李斯特城嘅前四位置好似要拱手相讓😢然而,「太子」伊恩拿祖臨危受命上陣擔當前線第一人,竟然成為下半季嘅奇兵🤯先係足總盃最後一分鐘行左去邊界,突然見原來開左波即刻跑返入嚟,對手全部漏晒由佢頂入🤧自此搵返射手觸覺,連續四場都有波入,並成為李城嘅救星🥴不過,伊恩拿祖嘅實力不禁令人質疑,除左上述嘅入球,足總盃四強對修咸頓一伇表面上由佢一箭定江山,但賽事上係佢射完第一腳,皮球巧合地反彈至佢腳下而射入,但講到底始終唔能夠抹煞佢嘅功勞嘅~
如果講足總盃冠軍有一半係靠伊恩拿祖攞返嚟,咁另一半就好大機會係由泰利文斯一腳攞返嚟🤣足總盃決賽對住車路士,球員體力未算充足,球隊陣容又唔完整,對住杜曹執教嘅不敗戰車,李斯特城都睇唔到有咩勝算。然而,伊雲斯忍痛上陣都係30分鐘左右退下火線,中後場球員頭頂腳踢,就係為左比華迪反擊,但機會等唔到,就由我創造🔥泰利文斯係中路轉身仍然無人逼,就起腳射出世界波,即使龍門Kepa撲盡都救唔到🤯其後車路士積極反撲,差少少就由後備換入踢最後一場嘅老大哥摩根擺烏龍,好彩越位保住勝果,成功帶走足總盃冠軍🏆(賽後同球會主席慶祝都好感人😢)
開心過後就係最後一段路,直到最後一場先可以決定來季歐洲賽資格,對熱刺一戰,球隊搏盡都要落敗2️⃣比4️⃣,遺憾地再一年排第5️⃣名無歐聯資格☹️爭左兩年都爭唔到,究竟發生咩問題?第一樣係傷病問題,列卡度彭利拿、祖斯甸、哈菲班尼斯、伊雲斯等等等嘅主力都至少有1 2個月受傷,情況誇張到可以講無受傷過都唔叫李城球員,而替補球員實力又未能彌補空缺,導致成績下滑😔
第二係球隊陣容有限,當無左哈菲班尼斯呢位翼鋒,除左華迪同伊恩拿祖,就係重點依靠占士麥迪臣同艾約斯佩雷斯嘅發揮,但麥迪臣4月復出無入球無助攻,艾約斯佩雷斯啲決定同埋門又嚇死人,後備防中祖候利靠佢就死得啦💀所以李斯特城嘅陣容都係十分勉強😵‍💫最後第三係球員問題,4月初李城對韋斯咸一戰,麥迪臣、祖候利同艾約斯佩雷斯異常地缺席,打亂球隊部署,其後發現因為3人違反防疫條例去開party,羅渣士一怒之下禁賽一場以示懲罰,但若然多1分或者3分,李城或者已經打緊歐聯,所以有陣時真係態度決定高度,只能寄望最近生咗BB嘅麥迪臣能夠生生性性~
去到今季,球隊目標竟然係追逐前四位置,爭取歐聯資格入場券。而購入嘅貝查特、蘇馬爾同達卡都能夠補充陣容深度,變相能否爭奪前四,仍然依靠一班正選球員,希望伊恩拿祖能夠以實力證明自己唔係行運一條龍,球員都能夠健康地完成賽季,同埋新生代嘅科芬拿同達卡可以交出亮眼表現🥺(暫時睇過一場熱身賽,達卡肯衝肯博命,好適合做華迪接班人👀)重點戰將🔱
達卡🇿🇲奧地利聯賽神射手 上季交出27球4助攻
卡舒柏舒米高🇩🇰球隊國家隊都由佢一夫當關
蘇馬爾🇫🇷今季由法甲冠軍里爾來投
科芬拿🇫🇷20歲之齡已經成為球隊可靠中堅
伊恩拿祖🇳🇬究竟係實力定行運一條龍🐉上季25場12球2助攻🥸
尼迪迪🇳🇬中場大將 防守攔截全靠佢
泰利文斯🇧🇪足總盃一箭定江山
卡斯坦尼🇧🇪後上助攻力強嘅閘位球員 但歐國盃第一場已受重傷🥴
祖斯甸🏴󠁧󠁢󠁥󠁮󠁧󠁿能左能右 潛力無窮嘅閘位球員👍🏼
哈菲班尼斯🏴󠁧󠁢󠁥󠁮󠁧󠁿穩定上進但上季又受重傷 希望佢可以健康地完成新賽季🥺
占士麥迪臣🏴󠁧󠁢󠁥󠁮󠁧󠁿李斯特城10號 罰球遠射皆精
占美華迪🏴󠁧󠁢󠁥󠁮󠁧󠁿球隊傳奇💫34歲仍然交出15球9助攻🔥
睇到呢度,歡迎你一齊參加我地嘅大抽獎!!!
loading

留言


請按此登錄後留言。未成為會員? 立即註冊
    快捷鍵:←
    快捷鍵:→