英超賽季預測 - 阿士東維拉

足球港場 於 29/07/2021 發表 收藏文章
英超賽季預測🏴󠁧󠁢󠁥󠁮󠁧󠁿第9️⃣名 阿士東維拉🦁
loading

「黑馬」阿士東維拉上季以16勝7和15負,55分嘅成績排係第11位。當前一季仲係僅僅以第17名護級成功,下一季就展開大逆轉,呢段神奇旅程除左歸功於核心基亞利殊,仲要Credit返阿士東維拉嘅管理層同教練團🥺
上一個夏天,阿士東維拉針對性補強各個位置,先係買入達米安馬天尼斯,阿仙奴唔識貨唔緊要,1700萬鎊或者係該季球隊嘅最佳收購,球隊失球數字由67球減少至46球,當然失球數減少唔係只靠龍門,但佢嘅左飛右撲絕對多次拯救球隊👀另外,右閘卡殊、右翼貝特蘭查奧爾同借入嘅巴克利,相繼都為球隊帶來正面貢獻,而最後一位絕對係其中一個絕佳收購,從英冠賓福特購入奧利屈堅斯,全季交出14球5助攻,主場迎戰利物浦更加上演帽子戲法🎩管理層確實眼光獨到✨
上個夏天組軍完成,由基亞利殊做核心,攞波上腳,引來幾個敵人包夾,甚至要犯規先阻止到,但同時亦為隊友拉開空間,猶如只要向前走,就會比到波你,當中艾加斯同貝特蘭查奧爾就得受益嘅球員,兩位各自都直接同間接地創造10個或以上嘅入球🥸然而,球隊過於依賴基亞利殊就出問題。由2月21日到最後四場比賽,基亞利殊因傷缺陣,當中12場比賽只係攞得12分(3勝3和6負)同時間,借將巴克利又進攻啞火,未能頂替進攻發電機一席,導致球隊成績嚴重下滑,漸漸遠離爭奪歐洲賽嘅行列😢
然而,真係十分欣賞阿士東維拉嘅管理層同教練團,立即針對問題作出解決方案。今個夏天,為左延續球隊嘅強勢,從升班馬諾域治帶走貝安迪亞,佢係英冠上季交出15球16助攻,係球隊嘅核心,相信佢就會係基亞利殊嘅後備或替代品,因為根據報導,曼城正努力追求基亞利殊轉會,如果成事,就要依靠貝安迪亞嘅發揮了😟同一時間,為左增加左路攻勢,球隊特意從意甲冠軍國際米蘭羅致艾利殊楊格,佢嘅經驗同實力絕對高過現時左閘正選泰基斯,所以兩單收購都係針對性處理問題,其他球隊應該好好學習🧐
預計排係第9️⃣名係失去基亞利殊嘅日子,若然基亞利殊留隊,阿士東維拉或者會再成為新一季嘅黑馬🐴重點戰將🔱
貝安迪亞🇦🇷諾域治核心 上季15球16助攻
艾利殊楊格🏴󠁧󠁢󠁥󠁮󠁧󠁿左楊右華的羊🐑
貝特蘭查奧爾🇧🇫黑實野獸
奧利屈堅斯🏴󠁧󠁢󠁥󠁮󠁧󠁿25歲數上季14球5助攻
達米安馬天尼斯🇦🇷美洲盃奪冠功臣
基亞利殊🏴󠁧󠁢󠁥󠁮󠁧󠁿球隊核心 6球10助攻
如果睇到呢度,不妨follow我地嘅instagram睇到更多唔同嘅足球資訊!
loading

留言


請按此登錄後留言。未成為會員? 立即註冊
    快捷鍵:←
    快捷鍵:→