英超賽季預測 - 狼隊

英超賽季預測🏴󠁧󠁢󠁥󠁮󠁧󠁿第1️⃣4️⃣名 狼隊🐺
「葡萄牙國家二隊」狼隊上一季以45分排係第13位，賽季12勝9和17負，同2019/20賽季相比，攻守失衡，排名上倒退一倍，到底出咗咩問題呢😵‍💫上一個夏天狼隊被摩連奴帶走右閘度靴迪，穩定輸出進攻嘅佢變成巴塞水貨施美度，係其中一個狼隊今季失敗嘅原因。另外，係11月作客阿仙奴一伇，阿仙奴中堅大衛雷斯同狼隊魯爾占美利斯頭撼頭，落地後完全冇反應，其後證實頭骨破裂，直到今季先至能夠再到披甲🤢失去一位能夠交出17球6助攻嘅前鋒，狼隊整隊進攻變得無所適從☹️從波圖收購回來嘅18歲潛力前鋒法比奧施華就要立即上場頂替前鋒位置，變相拔苗助長，但結果唔理想，變相摧毁咗一個潛力球員，其後喺冬季轉會窗，狼隊為咗填補前鋒力量從西甲皇家蘇斯達借入韋利安荷西，但後者並未能立即適應英超體系，17場只入1球，結果整個賽季以失敗告終，帶領球隊嘅4年兼升班嘅紐奴仍離隊轉投熱刺，多事之秋嘅狼隊睇嚟將會陷入萬劫不復嘅危機🤯新人事新作風，前賓菲加領隊般奴拿治上場執教，依然係葡萄牙人領軍，不過作風上過往係賓菲加係採取進攻戰術，未知嚟到狼隊會唔會都係以進攻為主。不過，狼隊係今個夏天已經頻頻買人，先係奧林比亞高斯買入新門將祖斯沙頂替離隊嘅柏迪斯奧，再從巴塞借入潛力新人法蘭斯高查卡奧，仲有係哥倫比亞嘅麥德林國民收購年青中堅莫斯基拉 (Yerson Mosquera)同係法甲昂熱買斷年青中堅艾治洛希(Ait Nouri) 希望葡軍狼隊能夠繼續為英超球迷帶來驚喜，繼續成為英超攪局者🥺重點戰將🔱
魯爾占美尼斯🇲🇽滿血回歸🔥
法比奧施華🇵🇹重新出發 19歲上季4球3助攻
法蘭斯高查卡奧🇵🇹潛力翼鋒
魯賓尼維斯🇵🇹鐵血防中
柏度尼圖🇵🇹腳法靈活嘅前鋒
阿達馬查奧爾🇪🇸力的表現💪🏽如果睇到呢度，不妨follow我地嘅instagram睇到更多唔同嘅足球資訊！