英超賽季預測 - 修咸頓

英超賽季預測🏴󠁧󠁢󠁥󠁮󠁧󠁿第1️⃣6️⃣名 修咸頓
「聖徒」修咸頓上季跌跌撞撞完成賽季，以12勝7和19負，得43分排係第15位，開季曾經7場不敗，上半季更曾經一度短暫佔據榜首，但係1月以2️⃣比0️⃣擊敗「一隊」利物浦之後猶如中咗魔咒，連續九場不勝😵‍💫當中更有一場以9️⃣比0️⃣落敗予曼聯，連續兩季都輸九比零，認真失威☹️當然，修咸頓都只係一支小球隊，上半季儲夠分，即使下半季淨係攞到14分都夠數留係英超（全季43分）不過，問題就好似雪球越滾越大❄️修咸頓下半季嘅失利，在於陣容深度極度有限。領隊哈辛赫圖喜歡執行逼搶壓迫對手嘅戰術，加上唔太喜歡換人，同時疫情令球季壓縮，當閘位球員或其他位置嘅正選球員受傷，後備嘅後生仔出場唔夠經驗，導致犯錯失球輸波，惡性循環😟唔係怪責領隊做法，因為修咸頓暫時嘅青訓都未有潛力接班，例如尼倫杜奴同泰拿都未夠班，而上季借入嘅沙利素反而有啲用🥺閘位球員深度唔夠係其中一個原因，而前鋒列蒙同車阿當斯嘅埋門決定都值得商榷，兩位埋門技巧好少少，或者修咸頓係季尾都唔洗踢得太辛苦，不過車阿當斯仍然一直進步，值得期待嘅～最後，今個夏天前鋒丹尼京斯拒絕續約離隊，左閘貝查特轉投李斯特城，失去兩個正選球員，點樣係有限資源搵新力軍將會係哈辛赫圖嘅一大考驗🥸而暫時修咸頓只係買斷禾確特，同埋係法甲比斯特收購左閘球員羅曼法夫利。另外暫時嘅消息係修咸頓正追求阿當岩士唐，係到希望修咸頓能夠順利完成賽季，華特包斯能夠繼續打出鐵人精神同精彩罰球，帶領「聖徒」留係英超中游🥺重點戰將🔱
禾確特🏴󠁧󠁢󠁥󠁮󠁧󠁿見證阿仙奴由盛轉衰嘅男人
車阿當斯🏴󠁧󠁢󠁳󠁣󠁴󠁿進步中
華特包斯🏴󠁧󠁢󠁥󠁮󠁧󠁿新一代罰球專家
如果睇到呢度，不妨follow我地嘅instagram睇到更多唔同嘅足球資訊！