英超賽季預測 - 諾域治

英超賽季預測🏴󠁧󠁢󠁥󠁮󠁧󠁿第1️⃣7️⃣名 諾域治🐤
「金絲雀」諾域治上季以97分封王，提前一輪奪得英冠冠軍🏆闊別2季後重返英超，係另一支「英超升降機」👀上一季係英冠佢地攻入75球，失36球，入球數英冠第二多，失球數第二少，攻守兼備嘅球隊絕對有能力重返英超，特別係降班英超時，並無太多重要成員離隊，無拆骨嘅情況下球隊團結一致堅信可以谷底翻身，結果可以對住英超球隊講: WE ARE BACK🔥重返久違嘅戰場當然想創一番事業，然而最大嘅問題就係球隊核心，踢右翼嘅貝安迪亞被阿士東維拉收購離隊，佢上季交出15球16助攻，係球隊進攻入球嘅泉源，現時只能希望球隊能夠善用收返嚟嘅3800萬鎊🥴為左補充右翼進攻，諾域治係今個夏天從德甲雲達不來梅引進一位進攻好手 - 華斯卡，前兩季平均攻入9球5助攻，上季數據大跌至3球1助攻，傷病同球隊走勢令佢嘅表現受到打擊，不過佢具有前線突破、大腳轉邊同射門能力，配合住速度同走位，應該能夠交出貝安迪亞嘅一半水平🥺除左右翼，球隊都需要一個可以拼搏嘅後生仔，巧合地，車路士嘅基摩缺少上場時間，需要吸取經驗進步，而諾維治亦需要一位腳法好、傳球清脆利落，能夠組織進攻嘅球員，兩者一拍即合，希望基摩能夠兌現佢嘅天賦，交出足夠表現為諾域治保住英超席位🤢最後到後防，告魯爾仍然把守住諾域治嘅大門，右閘麥斯艾朗斯具有速度同潛力，而一對中堅除左隊長格蘭漢尼較為穩定，仍然未知能夠繼續借用賓傑遜 (Ben Gibson)，左閘人選更加立立亂，勝在前線有簡維(Cantwell)同芬蘭射手普基救駕，所以估計，蘇格蘭未來國家核心能夠為諾域治保住英超一席🥸重點戰將🔱
普基🇫🇮上季26球4助攻
簡維🏴󠁧󠁢󠁥󠁮󠁧󠁿前季盛傳曼聯有意收購 6球6助攻
麥斯艾朗斯🏴󠁧󠁢󠁥󠁮󠁧󠁿潛力右閘
基摩🏴󠁧󠁢󠁳󠁣󠁴󠁿蘇格蘭國家隊未來核心
華斯亞🇽🇰右翼球員 夏天收購
利斯美路🇫🇷中路球員 夏天收購
告魯爾🇳🇱荷蘭國家隊門將
如果睇到呢度，不妨follow我地嘅instagram睇到更多唔同嘅足球資訊！