英超賽季預測 - 屈福特

英超賽季預測🏴󠁧󠁢󠁥󠁮󠁧󠁿第1️⃣9️⃣名 屈福特🐝「英超升降機」屈福特上季係英冠以91分排係第2️⃣，能夠直接升班上英超🎊1年後重回英超賽場，係英超力爭一席依然係球隊嘅重要問題😶‍🌫️上一季係英冠攻入63球，失30球，數據上進攻多點開花，失球係全英冠最少，不過值得注意一點係，屈福特入球最多嘅係前季同曼聯扯上關係嘅右翼沙亞，全季攻入13球4助攻，其後已經係正前鋒19歲嘅祖奧柏度，年紀輕輕已經可以交出9球2助攻，都可以算係具有潛力嘅球員👀然而，屈福特嘅領隊同管理層都睇到前線進攻入球較為乏力，所以係今個夏天已經先後從愛華頓收購祖舒亞京治、米頓士堡嘅艾殊利費查同尼日利亞年輕前鋒丹尼斯，變相前線人力足夠，但點樣磨合同放落4-3-3陣式將會係另一個問題🤧講完前線，當然要睇埋中後場，屈福特能夠大大減少失球嘅主因就係上季從烏甸尼斯收購杜斯特伊岡🔥佢嘅高空爭頂、位置感同攔截能力相當唔錯，但傳球、腳下功夫同速度就一般般，不過都十分適合低組別球隊嘅強硬踢法🥸除左佢之外仲有相算有潛力嘅中堅賓韋莫特，意大利人馬仙拿同曾經效力皇馬巴塞嘅基高費文尼亞，呢一堆球員可以稱霸英冠，但以英超嘅速率同對抗性嚟計，後防不穩同前線磨合期，或者會令屈福特以第19名再次降落🛬️重點戰將🔱
沙亞🇸🇳上季13球4助攻
祖奧柏度🇧🇷19歲攻入9球2助攻
祖舒亞京治🇳🇴當年般尼茅夫三箭頭
杜斯特伊岡🇳🇬實用中堅
丹尼路斯🏴󠁧󠁢󠁥󠁮󠁧󠁿被Daddy遺棄嘅男人
賓科士打🏴󠁧󠁢󠁥󠁮󠁧󠁿可以留意佢嘅Youtube Channel🤣
迪尼🏴󠁧󠁢󠁥󠁮󠁧󠁿屈福特名將
如果睇到呢度，不妨follow我地嘅instagram睇到更多唔同嘅足球資訊！