歐洲王者終極一戰:意大利 對 英格蘭

足球港場 於 11/07/2021 發表 收藏文章
歐洲國家盃終極一戰🏆
🇮🇹意大利 對 英格蘭🏴󠁧󠁢󠁥󠁮󠁧󠁿

意大利上一場十二碼對決擊敗西班牙晉級決賽,呢一場係失去史賓亞蘇拿嘅第一場賽事,結果攻勢威脅減半,並且係上半場完全唔能夠運波上前。而今晚對手唔係把握力有問題嘅西班牙😩而係火力十足嘅英格蘭。
假如英格蘭逼搶手法同西班牙一模一樣,今晚意大利上半場或者已經會失波,不過又咁講,上一場嘅中場失勢基於布斯基斯嘅活躍,而英格蘭嘅中場由懷斯同加雲菲臘斯組成,搶截力度未必有咁強,所以意大利都有啲機會🧐
另外,當左邊嘅艾馬臣上前協助進攻,右閘靠中間成三中堅,當快速反擊時兩老基亞連尼同邦路斯未必夠速度,只能靠經驗搭救🥺仲有音樂比利係前線嘅決定😩意大利今晚有啲危危乎😟之不過,當全個歐洲都反英支持意大利,加上踢法比英格蘭更加精彩,希望意大利能夠同上場一樣,即使係最失勢嘅時間,都可以反擊得手⚡️
英格蘭上一場加時先以2️⃣比1️⃣擊敗丹麥,雖然要去到加時先解決對手,但史達寧係左路嘅騷擾係極具威脅,只係丹麥防線紀律較好,5人防線確係能夠將比賽帶到加時。今晚決戰意大利,英格蘭佔盡天時地理人和,包括係複製55年前英格蘭奪歐國盃嘅經過,都有擊敗德國晉級,同時間賽事係溫布萊球場舉行,球迷打氣必定加多幾錢肉緊,最後呢隊英格蘭已經無當年嘅勢成水火,而係和和氣氣十分團結,又夠晒年輕力壯,陣容深度充足,並且有英女皇對領隊修夫基送上嘅祝福🥰修夫基都想彌補返1996年對德國射失十二碼四強止步嘅遺憾😤所以望落英格蘭好似贏面好大👀

之不過,既然係大賽,而且係決賽,英格蘭一定更加保守,3-4-3嘅陣式減少漏洞,閘位都可能未會壓得太前,相信會不斷搓傳搵到確實嘅機會先會去,所以球迷真係要叉足電捱到天光🌤
P.s 希望唔洗睇十二碼啦!
如果睇到呢度,不妨follow我地嘅instagram睇到更多唔同嘅足球資訊!
loading

留言


請按此登錄後留言。未成為會員? 立即註冊
    快捷鍵:←
    快捷鍵:→