歐國盃決賽之路 - 意大利

足球港場 於 10/07/2021 發表 收藏文章
歐洲國家盃決賽🏆意大利🇮🇹

小組賽第一場:🇹🇷土耳其0️⃣-3️⃣意大利🇮🇹
意大利第一場對住今屆歐國盃賽前被譽為世紀黑馬嘅土耳其,點知對手唔係黑馬,而係草泥馬,土耳其後防錯漏百出,下半場55分鐘貝拉迪殺入禁區傳中,土耳其中堅迪美羅擺烏龍,意大利率先打開紀錄,其後因為土耳其落後一球壓前進攻,令後防暴露更加多空位,意大利把握機會反擊,由音樂比利同恩斯治利擴大比數,雖然對手實力一般,但已經睇得出意大利嘅火力驚人👀
小組賽第二場:🇮🇹意大利3️⃣-0️⃣瑞士🇨🇭
第二場對住攻防勁小小嘅瑞士,意大利擺出相同陣容,但就打起咗薩斯索羅孖寶,盧卡迪利個人梅開二度,貝拉迪收穫一個助攻,而左閘史賓亞蘇拿連續兩場都表現得八面玲瓏,令球迷開始覺得意大利有冠軍相🥺
小組賽第三場:🇮🇹意大利1️⃣-0️⃣威爾斯🏴󠁧󠁢󠁷󠁬󠁳󠁿
嚟到第三場意大利因為已經有6分在手,陣容作出大變動,由大部份後備球員組成,華拉堤復出都係呢一場試腳,雖然係後備球員,但佢哋都唔失禮,係39分鐘比仙拿把握角球門前射入,其後55分鐘威爾斯嘅岩柏度領紅出場,意大利就輕鬆一球小勝威爾斯晉身淘汰圈🥸淘汰賽十六強:🇮🇹意大利2️⃣-1️⃣奧地利🇦🇹
十六強對住有阿拉巴嘅奧地利,當對手有系統地防守意大利,彷彿就考起左意大利,上半場意大利一直圍攻奧地利,上半場已經有11次起腳,但仍然未能打破缺口,下半場反而奧地利嘅反擊同罰球攻勢比意大利更加有威脅,幸好嘅係意大利捱到去加時,陣容深度極厚,後備換入嘅基艾沙係95分鐘一控一扣左腳勁射,領先一球後再有比辛拿禁區內近門勁射,相反奧地利球員已經筋疲力盡,最後兩個後備球員拯救意大利,令意大利能夠晉身八強😤
淘汰賽八強:🇧🇪比利時1️⃣-2️⃣意大利🇮🇹
去到八強面對着黃金一代嘅比利時,或者係八強最矚目嘅賽事,但年輕活力嘅意大利就稍勝一籌,左路嘅史賓亞蘇拿一直上前助攻,而攞到正選一席嘅基艾沙都提供速度喺前線突破,意大利採取主動進攻,即使失去皮球之下中場立即逼搶,阻止比利時運波上前,同一時間令盧卡古孤立無援,加上對手迪布尼有傷在身,只有19歲嘅杜古可以一個爆幾個,所以上半場意大利入兩球已經解決比利時🥴
最後四強:🇮🇹意大利1️⃣-1️⃣西班牙🇪🇸(十二碼4️⃣-2️⃣勝出)
四強面對着西班牙,因為上場史賓亞蘇拿受傷,令左路嘅威脅減半,加上西班牙嘅逼搶攔截,令意大利好難運波上前,只能夠大腳長傳,最後拎球權俾返西班牙,只能講幸好嘅係西班牙埋門質素真係麻麻,令到意大利係下半場最失勢嘅時機,一個反擊由基艾沙係禁區燙遠柱領先一球,而其後西班牙立即由無鋒陣變成以摩拉達作前鋒,西班牙每次係中路組織都攞到甜頭,摩拉達一個one two射近柱追返一球,比賽去到加時階段,已經可以講意大利係一路捱住,其後嘅十二碼,意大利球員心態上輕鬆應對,令每球都射得有信心同清除俐落,最後十二碼以四比二晉身決賽🏆
回顧過後,你會支持意大利🇮🇹定英格蘭🏴󠁧󠁢󠁥󠁮󠁧󠁿攞冠軍🏆👀
loading

留言


請按此登錄後留言。未成為會員? 立即註冊
    快捷鍵:←
    快捷鍵:→