法甲冠軍里爾中場球員蘇馬爾加盟李斯特城

李斯特城第二簽

里爾中場球員蘇馬爾登陸英超，年僅22歲嘅佢出身自巴黎聖日耳門嘅體系，係2017年轉投里爾，直到上季先坐穩正選之位，位置主要係4-4-2陣式嘅中場，係法甲冠軍嘅重要功臣。
上季李斯特城一直依靠泰利文斯同尼迪迪係中場掃蕩兼組織攻勢，當中泰利文斯係足總盃一球世界波更加打出身價，可惜李斯特城連續兩季排第五未能參戰歐聯，一對中場組合有機會被拆散轉投其他隊伍，所以購入蘇馬爾或者係填補空洞。但如果無上述情況，蘇馬爾頂替就係表現奇差嘅爆炸頭祖候利，希望佢可以快快融入李城體系同適應英超節奏。
如果睇到呢度，不妨follow我地嘅instagram睇到更多唔同嘅足球資訊！