PSG火速購入波圖中場維天拿

足球港場 於 18/06/2022 發表 收藏文章
PSG火速購入波圖中場維天拿
loading

根據Fabrizio Romano嘅報導,甘波斯(Luis Campos)取代利安納度成為足球總監兼足球顧問後,上任第一件事就係強調要簽入一位對現在同未來都有用嘅中場球員,而巴黎聖日耳門就快快手從葡超波圖簽入葡萄牙新晉大國腳兼22歲潛力中場球員維天拿(Vitinha),PSG將會支付4000萬歐元轉會費,雙方將會簽下5年合約🙌🏻
一眾球迷對維天拿嘅認識,除左係阿仙奴最近購入嘅法比奧韋拉嘅拍檔,相信更多嘅係有傳歐洲球會同曼聯對佢有興趣,不過Fabrizio Romano就特別強調曼聯球隊、球會同坦哈格從來無表示對維天拿有興趣,所以如果講曼聯想簽嘅人又被搶走,只係球迷嘅痴心妄想👀
對於呢位22歲中場球員,上季外借到狼隊未能佔一席之地,但今季回歸波圖就成為主力中場球員,30場聯賽攻入2球3助攻,中前場覆蓋率大,兼且具備推進能力,同時有一定防守能力,今季亮眼嘅表現亦令佢入選葡萄牙國家隊,相信佢會成為未來歐洲球壇嘅新星👍🏼
對於波圖,冬季放走迪亞斯比利物浦,而剛剛又賣走法比奧韋拉同維天拿,雖然係Selling club都唔係第一日嘅事,但能否保持返實力衛冕聯賽冠軍就要睇下引援方案😳而對於PSG,取代利安納度上場嘅甘波斯,睇嚟係做實事嘅人,對比起過往購入嘅防中古耶、中堅迪亞路(Abdou Diallo)同伊卡迪,今次轉會買潛力同年輕球員就正常得多🥵除左幫球隊引援,唔知日日都有傳會被炒嘅普捷天奴,幾時先被炒呢🤣
如果睇到呢度,不妨follow我地嘅instagram睇到更多唔同嘅足球資訊!
IG : Footballarena_hk
Facebook: 足球港場
loading

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→