C朗輸波後大發雷霆傷及兒童

足球港場 於 10/04/2022 發表 收藏文章
C朗輸波後大發雷霆傷及兒童
loading

曼聯作客0比1不敵愛華頓,除左令曼聯爭四夢碎,場面上精神面貌亦相當差,進攻上毫無組織可言,失球後只會埋怨,進攻時企定定等波到,種種因素令C朗賽後沉不住氣,更加係行入更衣室時,將一位男孩請求拍照嘅手機,狠狠地打落地下,其間被人拍下,賽後曼聯方面表視已展開調查。
其後C朗晚上係個人社交平台Instagram為此致歉:「係面臨困難時刻嘅時侯要處理個人情緒,從來都唔係一件容易嘅事。不過我地始終需要時刻保持尊重、耐性,以及為所有熱愛呢個比賽嘅年輕人樹立榜樣。我為我嘅行為致歉,如果可以,我希望邀請呢位小球迷嚟到奧脫福觀看比賽,以示公平競爭同體育精神。」
話雖如此,C朗嘅補償行動唔夠全面,畢竟球迷其實係愛華頓球迷,仲要請佢去睇90分鐘曼聯嘅比賽,真係加劇對佢嘅心理創傷。而小球迷Jake嘅母親更加透露兒子有自閉同運動障礙,只係想影住偶像C朗離開,卻被偶像怒擲電話,手部受傷並陷入恐慌同痛哭。現時默西賽德郡警方官方宣佈,已就C朗涉嫌襲擊傷害及毀壞小球迷電話事件展開刑事調查,將會邀請涉事雙方落口供,睇嚟球王都要好好處理呢場「關公災難」。
如果睇到呢度,不妨follow我地嘅instagram睇到更多唔同嘅足球資訊!
IG : Footballarena_hk
Facebook: 足球港場
loading

如果喜歡我們的文章,請即分享到︰

標籤: 英超  曼聯  愛華頓  C朗  C朗拿度  

留言


請按此登錄後留言。未成為會員? 立即註冊
    快捷鍵:←
    快捷鍵:→