馬達約滿正式離開曼聯

足球港場 於 02/06/2022 發表 收藏文章
馬達約滿正式離開曼聯
loading

效力曼聯8年嘅馬達,今日曼聯官方宣佈馬達合約到期,將會係今個月尾正式離隊,馬達自2014年1月由車路士轉投曼聯,為球隊上陣285場攻入51球,8年間同球隊經歷高高低低,經歷過唔同主帥,包括莫耶斯、雲高爾、摩連奴、蘇B同蘭歷克,期間協助曼聯贏過社區盾、聯賽盃、足總盃同歐霸盃🙌🏻
過去曾經係曼聯主力嘅馬達,自蘇斯克查上任後甚少得到上陣機會,但往往上場就同場上曼聯球員形成鮮明對比,因為馬達勤力、無私,大量嘅無球走動就係佢嘅招牌,對比起郁都唔郁企定定等波到嘅大帝,馬斯亞、拉舒福特呢兩個淨係諗住喺禁區做極細空間嘅one two,相信近年嘅曼迷都想見到多啲馬達嘅無球走動製造更多攻門機會🥵
的確,馬達係曼聯默默耕耘、無私付出、任勞任怨,對比起普巴呢個麻煩友真係有天淵之別,但係正如上述19/20賽季開始蘇B領軍打「天材波」戰術,馬達得不到重用又被打入冷宮,若然佢轉換一下新環境或會得到更多榮耀同上陣機會,特別係球員生涯非常有限,所以馬達呢種甚少怨言嘅球員留係後備,個人認為好聽啲就係「無私」,難聽啲就係「愚忠」,如同係商業世界自己唔爭取機會就無人理你,何況曼聯係一支商業球會呢🤷🏽
總而言之,效力曼聯8年嘅馬達終於可以離隊,希望佢離隊後來季可以得到更多上陣機會,證明自己老而彌堅仲有貨賣🙌🏻
如果睇到呢度,不妨follow我地嘅instagram睇到更多唔同嘅足球資訊!
IG : Footballarena_hk
Facebook: 足球港場
loading

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→