韋斯咸從英冠補強中場人手

足球港場 於 10/07/2022 發表 收藏文章
韋斯咸從英冠補強中場人手
loading

韋斯咸早前宣佈從英超史雲斯簽下中場球員唐斯(Flynn Downes),鎚仔幫將會支付900萬鎊轉會費,計埋浮動條款最高可達1400萬鎊,雙方簽下5年合約至2027年,而且仲有延長一年合約嘅選項🙌🏻
韋斯咸今季漫長嘅賽程基本上需要蘇錫克同迪蘭懷斯踢足大部分比賽,確實呢對中場成為一道堅固嘅防線,但係球員亦需要輪換休息,今季充當中場輪換人手就有蘭仙尼、借用嘅卡拉爾(Alex Kral)同盧保,然而今夏有盧保掛靴,加上並無買斷卡拉爾,所以補強中場係刻不容緩🥵
而其實韋斯咸都係「程咬金」,本來水晶宮對於簽下唐斯非常有興趣,但史雲斯方面希望得到更高嘅轉會費,繼而令韋斯咸有機可乘👀呢位23歲中場球員唐斯曾經代表英格蘭U19同U20出戰,曾經同列斯占士、美臣蒙特同辛祖做過隊友🥸至於唐斯本人出身自葉士域治,上季轉投史雲斯成為陣中主要成員,上季雖然只係交出1球2助攻,但係英冠埋身肉搏嘅賽場有92.6%嘅傳球成功率,傳球成功數量同係前半場傳球成功數量都係整個英冠嘅第7位,加上踢法有拼勁同中場都有突破能力,所以對韋斯咸都係一個直接有效嘅收購💪🏽
至於領隊莫耶斯被問到對於簽下唐斯嘅睇法,佢就表示:「過往我地都係由英冠候城引入查洛保雲,所以我地希望可以係英冠尋找有實力能夠挑戰英超嘅球員,我希望唐斯能夠成功。」
韋斯咸今夏有盧保掛靴,耶莫蘭高、費特歷克同David Martin離隊,暫時球隊購入唐斯,買斷PSG門將艾利奧拿同花費3000萬鎊引入雷恩中堅阿古特(Naif Aguerd),如果要保持實力留喺歐洲賽位置仍然要補強,根據The Guardian報導西咸曾經報價2000萬鎊買里爾中場Amadou Onana但被拒絕,而修咸頓嘅華特包斯更係潛在目標。至於前場根據The Guardian報導球隊想簽下保查同連加特,仲有布力般流浪嘅前鋒Ben Brereton,另外Fabrizio Romano就報導過西咸想買維拉利爾嘅丹祖馬但個人條款傾唔成,最後Skysports就提到西咸對候城攻擊中場/左翼嘅Keane Lewis-Potter有興趣,即管睇下西咸最後會點樣補強前場,畢竟有歐洲賽都係一個優勢~
如果睇到呢度,不妨follow我地嘅instagram睇到更多唔同嘅足球資訊!
IG : Footballarena_hk
Facebook: 足球港場
loading

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→