阿仙奴主場守和白禮頓 十人應戰成功逼和一比一
英超星期六早場，阿仙奴主場對白禮頓，主隊阿仙奴係日前向車路士借入史達寧，不過未能即插即用，未有排喺陣容名單之內，另一位新援美連奴(Mikel Merino)喺訓練時受傷缺陣，所以今日阿仙奴4-3-3陣式陣容大致一樣，只係上場有入波嘅托沙特(Leandro Trossard)取代馬天尼利(Gabriel Martinelli)正選上陣。至於白禮頓今季31歲靴斯拿(Fabian Hürzeler)少帥上任，目前帶隊各項賽事三場全勝，今日4-2-3-1陣式，由於基摩(Billy Gilmour）離隊，巴利巴(Carlos Baleba)正選上陣拍住38歲嘅占士米拿形成雙防中，前鋒就有阿仙奴舊將韋碧克(Danny Welbeck)。
上半場白禮頓主要為Mid block防守，不過面對阿仙奴流動式走位，係上半場係挨打嘅局面，特別係右翼薩卡狀態火熱，頭15分鐘三次進攻都由薩卡係右路落底突破起腳或者分比賓韋治射門。上半場阿仙奴控制節奏，白禮頓無太大發揮空間，即使過咗第一道防線，左翼三笘薰攞到波，薩卡同賓韋治嘅包夾迅速趕到，所以白禮頓上半場雖然有三次起腳，但Expected Goal卻為0.08。
阿仙奴進攻時左閘添巴(Jurrien Timber)雖然有時候會內切中路，但右閘嘅賓韋治更多時間上去同薩卡作呼應，企圖Overload對方左閘軒斯活特(Jack Hinshelwood)。38分鐘添巴大腳解圍，薩卡同鄧克爭頂，搶到皮球後馬上印比夏域斯，再由夏域斯係中路禁區外一挑入網，為阿仙奴打開紀錄。
下半場迪蘭懷斯因球證認為有多餘動作被罰第二張黃牌，結果兩黃一紅被逐，阿仙奴喺餘下40分鐘要承受10打11嘅局面，結果去到58分鐘白禮頓右翼明頓(Yankuteh Minteh)係中路爆入去一射，門將拉也成功撲出，但有祖奧柏度(Joao Pedro)跟上補射入網，成功為白禮頓追平一比一，呢一個入球除咗因為人數上嘅優勢，阿仙奴中場柏迪亦跟唔上祖奧柏度，引致失球。
及後阿仙奴換入卡拉費奧利(Riccardo Calafiori)踢五後衛，薩卡調到左中場位置形成5-3-1陣式，不斷守喺禁區內保護大門，同時又適時地打反擊，最後下半場十人應戰面對對手19次射門4次中龍，守和白禮頓1比1，成功保住一分。
阿仙奴上半場嘅逼搶同控制節奏非常純熟，球員清楚知道自己職責，配合上亦都有默契，至於下半場十人應戰主力防守，但都有兩次反擊做到，包括係夏域斯有半單刀機會，76分鐘又有反擊薩卡近門一射，反映到打少個唔代表只能夠龜縮，加上門將拉也有神救表現，形勢上攞到1分絕對合格。
白禮頓方面上半場未能夠組織進攻，下半場本來要解決組織問題，但有人數上嘅優勢，都未能反敗為勝較為可惜。白禮頓係圍攻上過於側重左路，但今日三笘薰嘅表現較為一般，而72分鐘右翼方面換入由列斯聯購入嘅魯達(Georginio Rutter)，上陣18分鐘先得7次掂波3次起腳，絕對冇好好利用右邊進攻，而且對位嘅對手係防守無咁擅長嘅辛真高，呢一點值得商榷。及後亦太遲換入艾丁加同安斯素，所以下半場嘅圍攻同換人都有改善空間，但至少攞到1分喺酋長球場全身而退都算可以。
如果睇到呢度，不妨follow我地嘅instagram同Youtube睇到更多唔同嘅足球資訊！
IG : Footballarena_hk
Facebook: 足球港場
Youtube: 足球港場 - Chung
英超星期六早場，阿仙奴主場對白禮頓，主隊阿仙奴係日前向車路士借入史達寧，不過未能即插即用，未有排喺陣容名單之內，另一位新援美連奴(Mikel Merino)喺訓練時受傷缺陣，所以今日阿仙奴4-3-3陣式陣容大致一樣，只係上場有入波嘅托沙特(Leandro Trossard)取代馬天尼利(Gabriel Martinelli)正選上陣。至於白禮頓今季31歲靴斯拿(Fabian Hürzeler)少帥上任，目前帶隊各項賽事三場全勝，今日4-2-3-1陣式，由於基摩(Billy Gilmour）離隊，巴利巴(Carlos Baleba)正選上陣拍住38歲嘅占士米拿形成雙防中，前鋒就有阿仙奴舊將韋碧克(Danny Welbeck)。
上半場白禮頓主要為Mid block防守，不過面對阿仙奴流動式走位，係上半場係挨打嘅局面，特別係右翼薩卡狀態火熱，頭15分鐘三次進攻都由薩卡係右路落底突破起腳或者分比賓韋治射門。上半場阿仙奴控制節奏，白禮頓無太大發揮空間，即使過咗第一道防線，左翼三笘薰攞到波，薩卡同賓韋治嘅包夾迅速趕到，所以白禮頓上半場雖然有三次起腳，但Expected Goal卻為0.08。
阿仙奴進攻時左閘添巴(Jurrien Timber)雖然有時候會內切中路，但右閘嘅賓韋治更多時間上去同薩卡作呼應，企圖Overload對方左閘軒斯活特(Jack Hinshelwood)。38分鐘添巴大腳解圍，薩卡同鄧克爭頂，搶到皮球後馬上印比夏域斯，再由夏域斯係中路禁區外一挑入網，為阿仙奴打開紀錄。
下半場迪蘭懷斯因球證認為有多餘動作被罰第二張黃牌，結果兩黃一紅被逐，阿仙奴喺餘下40分鐘要承受10打11嘅局面，結果去到58分鐘白禮頓右翼明頓(Yankuteh Minteh)係中路爆入去一射，門將拉也成功撲出，但有祖奧柏度(Joao Pedro)跟上補射入網，成功為白禮頓追平一比一，呢一個入球除咗因為人數上嘅優勢，阿仙奴中場柏迪亦跟唔上祖奧柏度，引致失球。
及後阿仙奴換入卡拉費奧利(Riccardo Calafiori)踢五後衛，薩卡調到左中場位置形成5-3-1陣式，不斷守喺禁區內保護大門，同時又適時地打反擊，最後下半場十人應戰面對對手19次射門4次中龍，守和白禮頓1比1，成功保住一分。
阿仙奴上半場嘅逼搶同控制節奏非常純熟，球員清楚知道自己職責，配合上亦都有默契，至於下半場十人應戰主力防守，但都有兩次反擊做到，包括係夏域斯有半單刀機會，76分鐘又有反擊薩卡近門一射，反映到打少個唔代表只能夠龜縮，加上門將拉也有神救表現，形勢上攞到1分絕對合格。
白禮頓方面上半場未能夠組織進攻，下半場本來要解決組織問題，但有人數上嘅優勢，都未能反敗為勝較為可惜。白禮頓係圍攻上過於側重左路，但今日三笘薰嘅表現較為一般，而72分鐘右翼方面換入由列斯聯購入嘅魯達(Georginio Rutter)，上陣18分鐘先得7次掂波3次起腳，絕對冇好好利用右邊進攻，而且對位嘅對手係防守無咁擅長嘅辛真高，呢一點值得商榷。及後亦太遲換入艾丁加同安斯素，所以下半場嘅圍攻同換人都有改善空間，但至少攞到1分喺酋長球場全身而退都算可以。
如果睇到呢度，不妨follow我地嘅instagram同Youtube睇到更多唔同嘅足球資訊！
IG : Footballarena_hk
Facebook: 足球港場
Youtube: 足球港場 - Chung
請按此登錄後留言。未成為會員? 立即註冊