迪布尼60分鐘上演大四喜

足球港場 於 12/05/2022 發表 收藏文章
迪布尼60分鐘上演大四喜
loading

昨晚嘅迪布尼大殺四方,60分鐘連入四球做出「大四喜」,其一恐怖之處係對英超失球第四少嘅狼隊連入四球,不過琴日狼隊都經常被拉空half space,其二係迪布尼兩隻腳都有入波,而且四球都係普通走動入攝,靠嘅係拉扯空間同最後一腳嘅把握力,其後迪布尼有一腳助攻但科頓射門中柱,而迪布尼個人都有一次中柱,變相今場嘅數據其實可以再誇張啲,真係不敢想像下季有夏蘭特同佢會點配合🤯
迪布尼賽後表示:「非常好!攻入四球係特別嘅經歷,坦白講其實我能夠攻入五球。我認為我哋打得好,除左早段幾次被反擊,我認為我哋能夠控制比賽。」
「我哋可以有更多入球,對於非常防守性嘅狼隊聽落好誇張。我隻右腳係重心腳,但我唔害怕用左腳射波。即使唔能夠轉換成入球,仍然能夠向對方製造威脅。」
提到利物浦,迪布尼就話:「我知道現時喺入球數上面我哋有優勢,但即使係7球嘅差別,利物浦都能夠做到。我地只能夠專注係星期日,因為對韋斯咸會係艱難嘅比賽,我地要盡快恢復同準備。對於我地兩隊定下嘅水準,的確係有少少癡線,但你只能夠尊敬呢個水平。我地知道奪冠係非常困難,而我地同利物浦都值得尊敬,我地將會盡力比賽。」
如果睇到呢度,不妨follow我地嘅instagram睇到更多唔同嘅足球資訊!
IG : Footballarena_hk
Facebook: 足球港場
loading

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→