辛祖落實愛回家外借多蒙特 曼聯多蒙特齊齊買個機會
根據Fabrizio Romano嘅報導，曼聯翼鋒辛祖(Jadon Sancho)落實重返舊東家外借多蒙特，辛借將會外借直到季尾，而外借合約中並無買斷條款，多蒙特將會支付400萬歐元以償還球員部分薪金。
辛祖與坦哈格嘅鬧翻已經人盡皆知，強硬嘅態度堅持唔肯同坦哈格道歉，坐擁30萬鎊週薪同對方企硬，而坦哈格出招令辛祖只能夠同青年軍訓練，又唔可係曼聯Canteen食飯，但辛祖態度依舊。或許當日坦哈格能夠靈巧一點應對記者會，就能夠化解呢個情況，但實際上辛祖都唔抵幫，遲到之餘又經常直播打機到深夜，確實缺乏專業球員嘅素質，因此呢件事上面兩邊都唔抵幫。之不過說到底，球員總希望有機會落場踢波，而辛祖自上年8月26號諾定咸森林一仗後就一直被冷藏，狀態成疑，今次能夠重返舊東家係好好表現嘅機會，踢得好除左提升自己狀態，更加間接落坦哈格嘅面子，因此相信辛祖會出百二分嘅力氣去爭取表現。
對於曼聯而言，呢次轉會其實係買個機會。8500萬歐元購入，給予30萬鎊周薪，如此重大投資石沉大海，要止蝕的話首先要令呢個投資有返價值，將辛祖外借多蒙特係寄望佢能夠搵返狀態，一係可以提升價值，並喺夏天賣走賺返多少少轉會費，二係唔賣走留返自己用，畢竟夏天仲係咪坦哈格領軍都成疑，因此曼聯目前係進可攻退可守，畢竟外借合約之中冇買斷條款。
最後多蒙特當日賺大錢，如今又借返辛祖看似賺到盡，但實際上自己聯賽成績危危乎，目前多蒙特以27分排第五位，同前四相差6分，如果最後失去歐聯參賽資格就真係失去了一切，因此多蒙特今個轉會窗借入辛祖同車路士伊恩麥臣(Ian Maatsen)以提供火力，目前估計辛祖將會取代左翼位置嘅年輕小將Jamie Bynoe-Gittens，畢竟後者進攻End Product有限，所以多蒙特亦都係賭一鋪，希望辛祖仍有狀態能協助球隊重返前四。
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場
根據Fabrizio Romano嘅報導，曼聯翼鋒辛祖(Jadon Sancho)落實重返舊東家外借多蒙特，辛借將會外借直到季尾，而外借合約中並無買斷條款，多蒙特將會支付400萬歐元以償還球員部分薪金。
辛祖與坦哈格嘅鬧翻已經人盡皆知，強硬嘅態度堅持唔肯同坦哈格道歉，坐擁30萬鎊週薪同對方企硬，而坦哈格出招令辛祖只能夠同青年軍訓練，又唔可係曼聯Canteen食飯，但辛祖態度依舊。或許當日坦哈格能夠靈巧一點應對記者會，就能夠化解呢個情況，但實際上辛祖都唔抵幫，遲到之餘又經常直播打機到深夜，確實缺乏專業球員嘅素質，因此呢件事上面兩邊都唔抵幫。之不過說到底，球員總希望有機會落場踢波，而辛祖自上年8月26號諾定咸森林一仗後就一直被冷藏，狀態成疑，今次能夠重返舊東家係好好表現嘅機會，踢得好除左提升自己狀態，更加間接落坦哈格嘅面子，因此相信辛祖會出百二分嘅力氣去爭取表現。
對於曼聯而言，呢次轉會其實係買個機會。8500萬歐元購入，給予30萬鎊周薪，如此重大投資石沉大海，要止蝕的話首先要令呢個投資有返價值，將辛祖外借多蒙特係寄望佢能夠搵返狀態，一係可以提升價值，並喺夏天賣走賺返多少少轉會費，二係唔賣走留返自己用，畢竟夏天仲係咪坦哈格領軍都成疑，因此曼聯目前係進可攻退可守，畢竟外借合約之中冇買斷條款。
最後多蒙特當日賺大錢，如今又借返辛祖看似賺到盡，但實際上自己聯賽成績危危乎，目前多蒙特以27分排第五位，同前四相差6分，如果最後失去歐聯參賽資格就真係失去了一切，因此多蒙特今個轉會窗借入辛祖同車路士伊恩麥臣(Ian Maatsen)以提供火力，目前估計辛祖將會取代左翼位置嘅年輕小將Jamie Bynoe-Gittens，畢竟後者進攻End Product有限，所以多蒙特亦都係賭一鋪，希望辛祖仍有狀態能協助球隊重返前四。
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場
請按此登錄後留言。未成為會員? 立即註冊