英超賽季預測 - 阿仙奴

足球港場 於 01/08/2021 發表 收藏文章
英超賽季預測🏴󠁧󠁢󠁥󠁮󠁧󠁿第6️⃣名 阿仙奴
loading

「兵工廠」阿仙奴上季以18球7和13負,61分排係第8,分數上勉強合格,但事實上來季係無歐洲賽參戰資格,25年嚟首次緣盡歐洲戰場,究竟阿仙奴發生左咩問題,又係咪要永續「達蛇」呢?
上一個夏天,「達蛇」上任第二季,先後從西甲馬體會購入湯馬士柏迪補強中場防守,再買入柏保路馬里同加比爾一對中堅,仲有免費簽下右閘蘇亞利斯同二十萬週薪嘅韋利安🥲以結果論嚟睇,上個夏天嘅轉會方針看似失敗,但若然以數據上嚟睇,反而又錯唔晒🥺
開季前先出戰社區盾。阿仙奴以上屆足總盃冠軍身份對戰英超冠軍利物浦👀阿仙奴繼續保持前季攞冠軍嘅戰術,縮後再打反擊,12分鐘就有薩卡左路大轉邊比奧巴美揚射入,其後被南野拓實追平,十二碼階段,馬天尼斯撲出年輕前鋒利安布維斯達嘅十二碼,完成最後一場為阿仙奴出戰嘅比賽,並以勝利告終,捧走社區盾🏆阿迪達再度捧起獎盃,配上兩連勝打開英超賽季序幕,令一眾阿迷都以為今季終於回來了🥰然而,歐霸盃同聯賽戰線雙雙展開,對住小球隊輕鬆大勝,返到英超7場連續不勝,當中更有一場「北倫敦打吡」,湯馬士柏迪疑似受傷,但仍然被阿迪達推返入場防守頂住先,結果一傷就傷左斷斷續續抖到3月先回歸正選🤕而外借回歸嘅艾蘭尼卻係球隊搵到一席位🤥
阿仙奴嘅勝仗經常唔夠信服力,源於阿迪達執行「九九八十一斬」戰術,搵奧巴美揚或拿卡係中路頂波,但球員特質唔係個一範就偏偏打呢種戰術,令球隊陷入困境。不過,阿迪達都有好嘅地方,就係重用後生仔,馬天尼利、史密夫路維、薩卡仔同泰亞尼都係阿迪達執教時其打出名堂✨同時間,阿仙奴嘅失球數字係全英超第三少,只有39球,對比前一季少左9球,睇嚟係季中磨合出嘅賀定同柏保路馬里呢對組合有功🥸另一方面,進攻入球雖然係無再過度依賴奧巴美揚,或者可以講係依賴唔到,但拿卡錫迪都有交出10球,而7000萬鎊嘅尼高拉斯比比亦穩定進步,加上上述提過嘅後生仔,阿仙奴嘅未來確係值得留意🤓
雖然上季四大皆空,今季仲要無得參加歐洲賽,但變相休養生息,加強磨合同讓後生仔進步,對於聯賽排名同表現期待阿仙奴會有所進步💫同時間,阿仙奴來季都要處理唔少問題🌝第一項係韋洛克,上季係紐卡素打到曉飛,會係留隊定自用?但當韋洛克打陣地戰時作用唔大,只有反擊得心應手,但已經有幾位球員都可以係反擊打出作用,所以韋洛克留定走都係一個問題🥴第二項係重整架構,今個夏天購入賓韋治同紐奴泰華利斯,都係針對後場作補強,但前場嘅奧巴美揚同拿卡錫迪又老一歲,能唔能夠重拾當年身手已經不在話下,而係能唔能夠保持現時表現都係一個問題,即使有幾強嘅助攻力,差埋門一腳就真係差少少😩仲有陣中都有唔少冗員要清走,例如高薪一族嘅韋利安(原來佢係球隊助攻第一名🤨)、尼爾遜、美蘭尼爾斯同有離心嘅托拉拿,而且仲要避免沙列巴案件,買完只係不斷外借浪費時間金錢🤢
種種問題增加達蛇執教難度,但對於來季阿仙奴少一條戰線,加上年輕人慢慢兌現佢地嘅天賦,我對於阿仙奴係來季嘅表現較為樂觀,不過如果下季都係排第8無歐戰的話,阿迪達就真係byebye了~重點戰將🔱
拿卡錫迪🇫🇷上季13球2助攻 已經係上季入球最多阿仙奴球員
奧巴美揚🇬🇦上季大跌watt 少左12個入球
格列沙卡🇨🇭歐國盃差少少入選最佳11人
尼高拉斯比比🇨🇮穩定進步 上季10球1助攻
史密夫路維🏴󠁧󠁢󠁥󠁮󠁧󠁿阿仙奴新🔟號主人
泰亞尼🏴󠁧󠁢󠁳󠁣󠁴󠁿上季阿仙奴進攻泉源
薩卡🏴󠁧󠁢󠁥󠁮󠁧󠁿國家級罪人
睇到呢度,歡迎你一齊參加我地嘅大抽獎!!!
loading

留言


請按此登錄後留言。未成為會員? 立即註冊
  • Tsz Kin 於 03/08/2021 評論 NO. 1

    岩岩護級成功..憑咩拎第6😂

快捷鍵:←
快捷鍵:→