英超賽季預測 - 「紅軍」利物浦

足球港場 於 04/08/2021 發表 收藏文章
英超賽季預測🏴󠁧󠁢󠁥󠁮󠁧󠁿第4️⃣名 利物浦🔴
loading

「紅軍」利物浦上季以20勝9和9負,69分排係第三,數字上睇其實唔差,但有睇英超嘅朋友都會知道利物浦經歷左災難性嘅一季🤯
前一季攞到久違嘅英超冠軍嘅利物浦🏆上一個夏天分別收購迪奧高祖達、泰亞高艾簡達同埋作羅拔臣後備嘅森美卡斯,三個收購或者只有祖達能夠明顯地幫助球隊👀球季開始,第一場係對戰阿仙奴嘅社區盾,二年級生嘅南野拓實攻入一球,看似終於能夠成功融入球隊,但係十二碼階段,高普派出年輕前鋒利安比維達斯,結果射失十二碼,間接地摧毁佢剛剛開始嘅職業生涯🥴社區盾後就要專注聯賽,第一場對列斯聯被比爾沙嘅狂攻戰術嚇一嚇,其後仲有大比數2️⃣比7️⃣落敗予阿士東維拉,黑仔命仲未完結,接下來嘅「默西賽郡打吡」愛華頓門將碧福特弄傷雲迪克,令呢支定海神針賽季報銷,而當時只係英超第5場比賽,利物浦前途茫茫🥺
緊隨其後嘅係歐聯小組賽嘅展開,雙線作戰已經令球員體力不足,仲要準備國家隊嘅比賽,結果就出事了。祖高美斯係英格蘭國家隊訓練時受傷,賽季報銷,然後法賓奴、馬迪普相繼傷出,中堅位置淪落到由中場嘅佐郭軒達臣同後備中堅頂替😢利物浦唔知會唔會係受到詛咒,攞冠軍後就會有報應😵‍💫幾名中堅受傷,仲有祖達係最後一場歐聯小組賽受傷,但事件其實值得商榷,因為賽前利物浦已經確定出線,搵祖達、沙拿等前鋒做正選難免有啲大才小用,無比佢地輪換休息結果導致傷病,真係得不償失🤒
多位球員受傷,球隊聯賽戰績亦緊隨下滑,當中12月尾開始聯賽五場不勝,對手分別係西布朗、富咸、修咸頓、曼聯同般尼,只有一支實力較強嘅球隊,但卻被修咸頓打破聯賽主場不敗金身,球員士氣低迷🤥到2月份,因為肺炎事件令利物浦嘅「聖誕快車」變成係「2月死亡快車」,2月起到3月頭個30幾日,8場聯賽只勝2場,其餘6場全敗,呢個時期嘅利物浦同前四歐聯位置基本上冇希望,甚至連歐霸資格都危危乎😰
捱到4月,歐聯八強對住銀河艦隊皇家馬德里,殘陣應戰之下,高普可能想用拿比基達做奇兵,由佢打正選,試驗失敗42分鐘就換出,兩回合都睇唔到太多嘅還擊之力,幻想攞歐聯冠軍延續歐聯資格正式破滅😶‍🌫️回歸現實,最後7場聯賽,或者係無路可退,或者係高普用左魔法,又或者係球員開始磨合適應殘陣中嘅發揮,最後7場未嚐一敗,其間有艾歷臣頂入絕殺逼和一球,呢一球除咗拯救球隊,更加激起一眾球員嘅士氣,最後五場比賽全勝,最終以第3️⃣作結,完成不可能的任務✨利物浦亦成功保住未來,避免打歐霸大拆骨🥺
艱難嘅一季相信來季唔會再重現,到底要幾唔好彩先會傷晒2個主力中堅、替補中堅同替工,我諗只有利物浦今季先至會發生。不過,利物浦亦已經收購中堅干拿迪,呢位高大中堅看似實用,但有較多嘅傷病歷史,希望佢來季可以克服傷病。除左干拿迪來投,就無其餘嘅買人消息,免費離隊嘅韋拿杜姆呢個位置由邊個頂替都成問題,暫時無邊個中場球員可以填補呢個空缺,或者球隊改打4-2-4都係一個選擇🤣同時間,哈菲艾利洛外借完成回歸球隊,上季係布力般流浪打出7球11助攻,呢個成績值得留隊爭一席位🥸另外,上季亦有幾位球員大跌Watt。第一個係亞歷山大阿諾,攻不銳守不穩,係佢今季嘅縮影,無左雲迪克幫佢包底,上又上唔晒,防又唔夠防,變相成為黑洞,對住弱旅嘅鐵桶陣無左佢嘅精準傳送,導致球隊打唔開缺口😩
第二個係文尼,一直同沙拿爭奪隊中第一射手嘅佢上季表現都冇咁好,除左自身有受病困擾,仲有心態上嘅問題,文尼想有沙拿嘅角色,由獨自落底開路嘅角色,轉為錫身少少類似沙拿嘅踢法,而球隊無左佢嘅突破傳送攻門水準下降,所以佢都係其中一個因素導致利物浦今季嘅失利🥺點都好,艱難嘅一季已經結束,新一季嘅紅軍目標依然係追逐英超冠軍同歐聯冠軍,而今季或者已經係最後一季齊人衝擊冠軍,因為「埃及文明」三子都合作多年,下一季係時候要作出一啲改變,否則利物浦只會慢慢衰落~Anyway,前四位置相信都會有利物浦嘅位置🥸
P.s 受過大傷嘅雲迪克好大機會會不復當年勇重點戰將🔱
泰亞高艾簡達拿🇪🇸挑戰自己卻碰上利記傷兵潮🥴
佐敦軒達臣🏴󠁧󠁢󠁥󠁮󠁧󠁿球隊領袖👨‍✈️
艾歷臣🇧🇷會入波嘅門將🤣
雲迪克🇳🇱接近300天嘅休養 希望今季可以強勢回歸🔥
亞歷山大阿諾🏴󠁧󠁢󠁥󠁮󠁧󠁿上季表現大跌 只有2球7助攻
祖達🇵🇹上季最佳收購 19場9入球
費明奴🇧🇷非正前鋒嘅正前鋒 9球8助攻
文尼🇸🇳角色改變而跌watt 上季11球7助攻
沙拿🇪🇬埃及尖刀🔪22球5助攻
睇到呢度,歡迎你一齊參加我地嘅大抽獎!!!
loading

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→