英超賽季預測 - 第十三 & 十四位

足球港場 於 29/07/2022 發表 收藏文章
22/23英超賽季預測🏴󠁧󠁢󠁥󠁮󠁧󠁿🦁
loading

第1️⃣3️⃣位 白禮頓🌊
守強於攻兼且狀態飄忽嘅白禮頓,上季下半段擊殺阿仙奴同熱刺成為「北倫敦之王」,但其實領隊撲達係最後8輪聯賽將杜沙特移去左翼衛位置先可以打出佳績由第14位升上第9位,與此同時今夏中場悍將比素馬離隊他投,縱使球隊有麥維普同卡斯度頂上,但能否完美替代抱有質疑,因此來季係名次上嘅退步係在所難免🤧
今個夏天白禮頓將比素馬出售至熱刺,另外將未曾為白禮頓上陣嘅奧士迪加(Leo Östigard)以500萬歐元出售至拿玻里,雖然收返3420萬歐元,但買人方面唔算積極甚至奇怪,因為球隊花費1160萬歐元從烏拉圭簽下18歲前鋒安斯素(Julio Ensico)同以800萬歐元購入20歲左翼Simon Adingra,未能預測上述兩子能否適應英超節奏,但若然前線繼續要用馬奧比同韋碧克,相信球隊入球能力繼續偏弱,唯一值得期待嘅係日本國腳三笘薰將會歸隊,希望司職左翼嘅佢能夠爭取更多上陣機會。最後,前鋒入球能力繼續偏弱,中場防守性被削弱,來季聯賽名次相信會退回中游位置,但若然古古利拿被曼城買走,門將羅拔山齊士被李城買走的話,相信名次會跌到較後🥶
第1️⃣4️⃣位 賓福特🐝
上季升上英超嘅賓福特有驚無險地以第13位衝線,季初出現嘅亮眼表現依靠艾雲東尼同麥般姆嘅配合,季中嘅低迷在於正選門將受傷,後備門將質素不足,艾雲東尼受傷進攻啞火,直到季尾有艾歷臣出現,帶起整隊表現先至完成護級工作👀
今個夏天雖然未能夠留住艾歷臣,但係球隊係補強方面都有盡力做好,首先係免簽拉素門將史達高沙,正如上述後備門將艾華路費南迪斯質素不足,而史達高沙雖然撲救率一般但善於用腳同長傳,由佢出任後備可以避免同樣情況發生。之後係花費1650萬歐元購入艾朗漢基,呢位20歲蘇格蘭國腳左閘出擊力強但防守一般,上季係意甲36場交出5球1助攻,估計會同列高亨利輪換左閘位置。另外今夏球隊最貴收購就係以1900萬歐元購入英冠候城嘅路易斯波特 (Keane Lewis-Potter),21歲嘅佢可以出任前鋒、攻中或左翼位置,上季英冠 46場交出12球3助玫為球隊嘅入球泉源,呢位左翼身高170cm,具有盤扭推進兼入球能力,相信能夠成為球隊嘅第三個進攻點⚡️
最後不得不提係免簽般尼中堅賓美爾,擁有豐富護級經驗嘅佢可以擔當三中堅嘅左中堅,如此針對性補強同埋補充陣容深度,只要前線嘅艾雲東尼可以減少缺陣,麥般姆加強埋門把握力,相信賓福特能夠留喺英超中游位置🐝
如果睇到呢度,不妨follow我地嘅instagram睇到更多唔同嘅足球資訊!
IG : Footballarena_hk
Facebook: 足球港場
loading

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→