英超賽季預測 - 水晶宮

足球港場 於 27/07/2021 發表 收藏文章
英超賽季預測🏴󠁧󠁢󠁥󠁮󠁧󠁿第1️⃣2️⃣名 水晶宮🔮
loading

「永昌宮」水晶宮上季以12勝8和18負,44分排係第14位,成績上中規中矩,亦係另一支典型嘅英超中下游球隊😶‍🌫️
講到水晶宮,上季最大件事莫過於領隊鶴臣爺爺離任,雖然最後一場對戰利物浦未能以勝利歡送爺爺👴🏼但執教嘅4年時間都能水晶宮能夠係英超佔一席位🧐新任領隊由阿仙奴名宿韋拉走馬上任,望落好似係一個好機會比韋拉學習吸取執教英超球隊嘅經驗,但事實上危機四伏🤯
首先係水晶宮有12名一隊成員約滿離隊,有啲係冗員,而有一部分係上季主力球員,包括轉投愛華頓嘅唐辛同離隊嘅荷蘭左閘雲安荷特👀解決續約問題後,仲要處理球隊來季嘅問題🥴主將沙夏經常有離心,若然唔能夠安定落離,培養新少主將會係韋拉嘅任務,最有可能能夠係未來取代沙夏嘅位置就係23歲嘅艾斯,上季由英冠QPR來投,全季交出4球6助攻,佢嘅前線突破能力同腳下功夫能夠為敵隊製造麻煩,可惜係季尾跟腱受傷,要休養6至8個月,2022先能夠再次上陣,上半季要點捱得過真係考起韋拉🥺不過,清理冗員後引入戰力,或者會為水晶宮球迷帶來驚喜👀水晶宮係今個夏天購入車路士預備組球員卡希爾,呢位21歲嘅中堅相信係一塊未經雕琢嘅寶石💎另外仲有英冠雷丁來投嘅19歲小將米高奧利斯,上季佢成為球隊主力後交出7球12助攻,絕對值得留意,攻擊中場位置交比佢,或者能夠讓「比利時轟炸機」賓迪基創造更多入球🥴
比多啲時間培養小將,為未來減輕沙夏嘅重要性,相信水晶宮都有成為「倫敦之王」嘅一日🤣重點戰將🔱
韋費特沙夏🇨🇮成日踢波踢到愁眉苦面
賓迪基🇧🇪比利時轟炸機🛩上季交出10球1助攻
艾斯🏴󠁧󠁢󠁥󠁮󠁧󠁿未來水晶宮之王
米高奧利斯🇫🇷19歲係英冠交出7球12助攻 值得期待
如果睇到呢度,不妨follow我地嘅instagram睇到更多唔同嘅足球資訊!
loading

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→