英超賽季預測 - 列斯聯

足球港場 於 28/07/2021 發表 收藏文章
英超賽季預測🏴󠁧󠁢󠁥󠁮󠁧󠁿第1️⃣1️⃣名 列斯聯⚡️
loading

「狂戰士」列斯聯上季以18勝5和15負,59分排係第9名,以一支升班馬黎計,成績絕對超出預期🤯繼自2000/01賽季嘅葉士域治後另一支最強升班馬🔥
諗返起一年前,狂人領隊比爾沙帶領白玫瑰同一眾小將勇闖英超,第一仗作客晏菲路球場已經彰顯佢哋嘅決心,加雲菲臘斯回後現位,再利用兩邊發起進攻,Overload邊路再拉散中場,在把握走位、空間突破,強如紅軍都比佢嚇怕。揭幕戰4️⃣比3️⃣落敗予利物浦,或者就反映佢哋全季嘅宗旨「有前無後,打死罷就」,全季攻入62球,同時失54球,當中人釘人戰術某程度上限制對手發揮,但同時亦令球隊後防出現空位,正如「玫瑰打吡」,曼聯防中麥湯文尼就可以把握空位後上射入兩球🥴而同一時間,因為戰術同比爾沙嘅要求,不惜氣力走動,跑盡比賽每一分每一秒係列斯聯嘅標準,但同時亦為球員帶來傷患,令到球隊成績下滑,一對中堅未能穩定地上場,後生仔中堅史杜列治亦都要上場補位,加上龍門梅斯利亞仍然成長中,所以失球數較多都無可避免👀
最好嘅防守就係進攻,列斯聯嘅進攻令球迷睇得賞心悅目,不禁令人講出「我就係要呢啲」,不過同時有位球員都令人抌心口,就係攻入17球7助攻嘅班福特🤢根據英超統計,佢係英超浪費最多機會嘅前鋒,有21個 Big Chances Missed,仲嚴重過德國藍色戰士。話雖如此,有一整個夏天休養生息,希望來季會有所進步🥺列斯聯係今個夏天都有一啲人員變動,離隊方面有北馬其頓左閘艾利奧斯基,而管理層亦趁巴塞大平賣收購祖利亞費普,呢位潛力球員亦係值得留意,仲有車路士青訓球員路易斯比特,拒絕車路士同利物浦嘅報價,決意登上一隊,呢種決心值得留意👀最後就係從曼城買斷積夏里遜,有佢配上班福特,兩位前鋒絕對能夠係下一季繼續係英超大殺四方🔪
重點戰將🔱
班福特🏴󠁧󠁢󠁥󠁮󠁧󠁿上季交出17球7助攻🔥
積夏里遜🏴󠁧󠁢󠁥󠁮󠁧󠁿上季攻入8球8助攻👀
洛迪高摩連奴🇪🇸上季由華倫西亞來投 下半季完全融入球隊
拉芬夏🇧🇷巴西小將 6球9助攻
路易斯比特🏴󠁧󠁢󠁥󠁮󠁧󠁿車路士青訓球員出走
加雲菲臘斯🏴󠁧󠁢󠁥󠁮󠁧󠁿約克郡派路如果睇到呢度,不妨follow我地嘅instagram睇到更多唔同嘅足球資訊!
loading

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→