《英超賽季總結》
第1️⃣7️⃣位 列斯聯⚡️
討論完三支降班球隊，嚟到僅僅以第17位護級成功嘅列斯聯，今季列斯聯可以講係絕處逢生、死過翻生，因為狂人比爾沙執行嘅跑轟戰術，上季確實形成英超亮點之一，不過上季過度消耗嘅體力令到今季球隊受傷病潮影響，人腳凋零之下仍然堅持人盯人戰術，令列斯聯幾次踏足鬼門關，直到最後一輪聯賽擊敗賓福特先至正式護級成功，所以話今季列斯聯嘅路程係非常之驚險🤧現實：第17位 預測：第11位（⬇️6位）
開季前我哋對列斯聯嘅期望較大，因為上季佢地成為其中一支英超「最強升班馬」，59分排係第9位，有前冇後嘅踢法令球迷賞心悅目，陣中嘅班福特上季攻入17球7助攻，加雲菲臘斯更因而入選英格蘭國家隊，一切都令人期待👀不過，瘋狂嘅踢法將傷患累積，更加唔好彩嘅係所有傷患好似係今季完全爆發，令到列斯聯兩季之間形成天堂與地獄嘅分別🥵係比爾沙領軍嘅期間，列斯聯嘅買人方針唔會主要睇實力，而係睇適唔適合比爾沙嘅跑轟戰術，假如有C朗比爾沙都未必會要，因而係今個夏天列斯聯除左買斷曼城借將積夏里遜同購入後備門將卡利臣(Kristoffer Klaesson)，今季主要嘅補強係從巴塞引入左閘費普同係曼聯引入丹尼爾占士，然而兩大目標都係名過於實，前者期望佢有潛質可以完美替代離隊嘅艾利奧斯基，結果今季就錯漏百出，而後者丹尼爾占士確實交出出眾嘅奔跑能力，但係球商同入球能力就無太大進步，全季4球4助攻但要3000萬歐元，數字上嘅比例嚟計確實唔合格👎🏼開季第一場嘅「玫瑰打吡」，主隊嘅曼聯將列斯聯打得落花流水，開季首戰就迎來1比5嘅大敗，如同暗示今季嘅失利。球隊去到第7輪聯賽先至取得今季嘅第一勝，但同時中堅洛賓高治、艾寧同班福特已經受傷，球隊逐漸變得只有拉芬拿獨力支撐。
及後列斯聯一度打出唔錯嘅成績，10月起9場聯賽3勝4和2負，但惡夢係第15輪聯賽正式開始，中堅高治未復出，史杜爾克傷出，中堅谷巴同加雲菲臘斯要養傷3個月，班福特復出1場後又再受傷😰傷病潮嘅同時係聖誕快車兼三戰Big Six球隊，結果3場連敗予車路士、曼城同阿仙奴，曼城更加係上演7球嘅大屠殺，形勢真係慘不忍睹😞
基於前中後都失去一員大將，仍然執行嘅人盯人戰術，只要有一少部分有偏差，整個逼搶系統就會全盤作廢，正如對熱刺0比4大敗一伇，固然對手發揮得好，列斯聯有兩球中柱都係無運，但第一球走甩對手中場，只係走甩一個目標就將整隊陷入危機，而第二球費普防守之差同唔集中更加係釀成大敗☹️結果列斯聯5場連失20球，同時間球隊陷入降班漩渦，結果管理層決定「自救」，辭退升班功臣領隊比爾沙，聘請RB萊比錫半季棄用嘅教頭 - 謝斯馬殊🇺🇸新教頭嘅來臨，列斯聯嘅戰術亦迎來變化，當然球隊都有逼搶，但唔係一對一咁逼搶令球隊戰績係三月中旬正式向上，當時球隊打出5場不敗兼且係3勝2和，搶下嘅11分令球隊處境重現曙光，殺上第16位⚡️
然而「魔鬼賽程」又再來臨，同樣地連續三戰曼城、阿仙奴同車路士，同樣地吞下三連敗，更甚嘅係艾寧、丹尼爾占士直接領紅，令到人腳上再度受到影響🥶然而「黑」足整季嘅列斯聯終於迎來運氣，第37輪聯賽對白禮頓有中堅史杜爾克係92分鐘頭鎚追平，最後一場有積夏里遜同拉芬拿救駕，最終列斯聯係最後一場護級成功，來季繼續征戰英超🙌🏻
今季驚險地護級，主要嘅因素係球員傷患問題，特別係高治、谷巴、加雲菲臘斯同班福特等主力球員，其中班福特今季只係上陣9場交出2球2助攻😢而傷患背後，引伸到嘅就係比爾沙嘅戰術，球員質素適唔適合同能否執行人盯人戰術確實係一大爭議，正如領隊馬殊都講到比爾沙嘅戰術令球員身心都受到影響，身體上要不停上上落落，心理上球員做好本份係唔夠，因為當隊友失位或者走甩對手，就要狂奔回防，久而久之除左自己氣餒，甚至對隊友同領隊嘅戰術失去信心🧐但同時呼應返球隊受傷兵潮影響，比爾沙係2月尾落鑊，但上述嘅受傷主力球員就係3月開始相繼復出，所以到底炒比爾沙係啱定錯真係難以定奪，但至少列斯聯係最後能夠保住一線生機～
今季代表作：狼隊 2-3 列斯聯🙌🏻
最佳收購：丹尼爾占士 Daniel James🏴4球4助攻（唔計買斷嘅積夏里遜）
最佳球員：拉芬拿 Raphinha🇧🇷11球3助攻
最佳進步球員：謝赫特 Joe Gelhardt🏴20歲2球2助攻
如果睇到呢度，不妨follow我地嘅instagram睇到更多唔同嘅足球資訊！IG : Footballarena_hk
Facebook: 足球港場
第1️⃣7️⃣位 列斯聯⚡️
討論完三支降班球隊，嚟到僅僅以第17位護級成功嘅列斯聯，今季列斯聯可以講係絕處逢生、死過翻生，因為狂人比爾沙執行嘅跑轟戰術，上季確實形成英超亮點之一，不過上季過度消耗嘅體力令到今季球隊受傷病潮影響，人腳凋零之下仍然堅持人盯人戰術，令列斯聯幾次踏足鬼門關，直到最後一輪聯賽擊敗賓福特先至正式護級成功，所以話今季列斯聯嘅路程係非常之驚險🤧現實：第17位 預測：第11位（⬇️6位）
開季前我哋對列斯聯嘅期望較大，因為上季佢地成為其中一支英超「最強升班馬」，59分排係第9位，有前冇後嘅踢法令球迷賞心悅目，陣中嘅班福特上季攻入17球7助攻，加雲菲臘斯更因而入選英格蘭國家隊，一切都令人期待👀不過，瘋狂嘅踢法將傷患累積，更加唔好彩嘅係所有傷患好似係今季完全爆發，令到列斯聯兩季之間形成天堂與地獄嘅分別🥵係比爾沙領軍嘅期間，列斯聯嘅買人方針唔會主要睇實力，而係睇適唔適合比爾沙嘅跑轟戰術，假如有C朗比爾沙都未必會要，因而係今個夏天列斯聯除左買斷曼城借將積夏里遜同購入後備門將卡利臣(Kristoffer Klaesson)，今季主要嘅補強係從巴塞引入左閘費普同係曼聯引入丹尼爾占士，然而兩大目標都係名過於實，前者期望佢有潛質可以完美替代離隊嘅艾利奧斯基，結果今季就錯漏百出，而後者丹尼爾占士確實交出出眾嘅奔跑能力，但係球商同入球能力就無太大進步，全季4球4助攻但要3000萬歐元，數字上嘅比例嚟計確實唔合格👎🏼開季第一場嘅「玫瑰打吡」，主隊嘅曼聯將列斯聯打得落花流水，開季首戰就迎來1比5嘅大敗，如同暗示今季嘅失利。球隊去到第7輪聯賽先至取得今季嘅第一勝，但同時中堅洛賓高治、艾寧同班福特已經受傷，球隊逐漸變得只有拉芬拿獨力支撐。
及後列斯聯一度打出唔錯嘅成績，10月起9場聯賽3勝4和2負，但惡夢係第15輪聯賽正式開始，中堅高治未復出，史杜爾克傷出，中堅谷巴同加雲菲臘斯要養傷3個月，班福特復出1場後又再受傷😰傷病潮嘅同時係聖誕快車兼三戰Big Six球隊，結果3場連敗予車路士、曼城同阿仙奴，曼城更加係上演7球嘅大屠殺，形勢真係慘不忍睹😞
基於前中後都失去一員大將，仍然執行嘅人盯人戰術，只要有一少部分有偏差，整個逼搶系統就會全盤作廢，正如對熱刺0比4大敗一伇，固然對手發揮得好，列斯聯有兩球中柱都係無運，但第一球走甩對手中場，只係走甩一個目標就將整隊陷入危機，而第二球費普防守之差同唔集中更加係釀成大敗☹️結果列斯聯5場連失20球，同時間球隊陷入降班漩渦，結果管理層決定「自救」，辭退升班功臣領隊比爾沙，聘請RB萊比錫半季棄用嘅教頭 - 謝斯馬殊🇺🇸新教頭嘅來臨，列斯聯嘅戰術亦迎來變化，當然球隊都有逼搶，但唔係一對一咁逼搶令球隊戰績係三月中旬正式向上，當時球隊打出5場不敗兼且係3勝2和，搶下嘅11分令球隊處境重現曙光，殺上第16位⚡️
然而「魔鬼賽程」又再來臨，同樣地連續三戰曼城、阿仙奴同車路士，同樣地吞下三連敗，更甚嘅係艾寧、丹尼爾占士直接領紅，令到人腳上再度受到影響🥶然而「黑」足整季嘅列斯聯終於迎來運氣，第37輪聯賽對白禮頓有中堅史杜爾克係92分鐘頭鎚追平，最後一場有積夏里遜同拉芬拿救駕，最終列斯聯係最後一場護級成功，來季繼續征戰英超🙌🏻
今季驚險地護級，主要嘅因素係球員傷患問題，特別係高治、谷巴、加雲菲臘斯同班福特等主力球員，其中班福特今季只係上陣9場交出2球2助攻😢而傷患背後，引伸到嘅就係比爾沙嘅戰術，球員質素適唔適合同能否執行人盯人戰術確實係一大爭議，正如領隊馬殊都講到比爾沙嘅戰術令球員身心都受到影響，身體上要不停上上落落，心理上球員做好本份係唔夠，因為當隊友失位或者走甩對手，就要狂奔回防，久而久之除左自己氣餒，甚至對隊友同領隊嘅戰術失去信心🧐但同時呼應返球隊受傷兵潮影響，比爾沙係2月尾落鑊，但上述嘅受傷主力球員就係3月開始相繼復出，所以到底炒比爾沙係啱定錯真係難以定奪，但至少列斯聯係最後能夠保住一線生機～
今季代表作：狼隊 2-3 列斯聯🙌🏻
最佳收購：丹尼爾占士 Daniel James🏴4球4助攻（唔計買斷嘅積夏里遜）
最佳球員：拉芬拿 Raphinha🇧🇷11球3助攻
最佳進步球員：謝赫特 Joe Gelhardt🏴20歲2球2助攻
如果睇到呢度，不妨follow我地嘅instagram睇到更多唔同嘅足球資訊！IG : Footballarena_hk
Facebook: 足球港場
請按此登錄後留言。未成為會員? 立即註冊