《英超賽季總結》
第1️⃣6️⃣位 愛華頓🔵
如果香港有《E先生連環不幸事件》，咁相信英格蘭都有一位E先生，呢位Everton先生由上季嘗試競逐歐洲賽位置，變成為護戰而戰，其中球隊經歷「Agent Rafa」嘅洗禮、傷患同林柏特嘅執教，雖然最後能夠留係英超，但過程中遭受嘅連環不幸事件，更多嘅係源於管理層嘅無能👎🏼而到底賓尼迪斯係咪真係做特務搞破壞，後來嘅林柏特幫球隊護級又係咪好犀利呢？😱現實：第16位 預測：第8位（⬇️8位）
開季之前我地預測愛華頓會能夠保持實力留係前十名，基於陣中有唔少好手，包括兩位有功架嘅前鋒，法國國腳盧卡斯甸尼同占士洛迪古斯⭐️然而，豪洗一季過後安察洛堤拍拍囉柚就走左，留低嘅爛攤子由賓尼迪斯接手，新帥上任肥賓將自己唔鍾意用嘅占士洛迪古斯賣走，然後引入多名舊部，包括免簽安祖斯唐辛同朗當(Salomón Rondón)，仲有購入後備門將比高域同過去敗走英超嘅迪馬禮格雷，8月嘅轉會單論轉會費只係用左200萬歐元，明顯賓尼迪斯係被命令慳住洗，而佢亦曾經為球迷帶嚟驚喜⚡️愛華頓開季相當火熱，頭7場聯賽只係錄得一場敗仗，其間殘陣對住曼聯仲要比唐辛反擊得手，係奧脫福對住C朗作出C朗式嘅Siu慶祝動作，簡直係挑釁性十足🤣
不過，球隊過後風光不再，卡華利雲上半季長期養傷，安祖高美斯、杜哥利都先後缺席3 4場比賽，後備嘅湯戴維斯因為膝傷更加甚少上陣，結果前線缺人有時候要用上朗當，中場人手緊張，後防米高堅尼今季頻頻派膠，即使打反擊亦只有李察利臣做到策應，結果10月起8場不勝只得2分，出奇地贏完阿仙奴又4場不勝，戰績強差人意，結果肥賓係對榜尾諾域治輸波後正式落鑊❌
其中都有一個小插曲，就係肥賓同盧卡斯迪尼不和，後者就被賣到維拉，然後管理層發現做錯決定兼且因為球隊戰績差而炒人，但到底管理層做事有無條理呢？戰績低迷係不爭嘅事實，若然肥賓同迪尼發生不和更加係開刀嘅好藉口，然而最後係「兩頭唔到岸」，人財兩失，管理層嘅做法係非常唔明智。而討論到肥賓係咪「Agent Rafa」，首先係開季前愛華頓已經明顯係一件「豬頭骨」，新一任嘅教頭係極少資金買人，而管理層不計前嫌聘用想留係默西賽德郡陪家人嘅肥賓，季初有打出成績，而其後13場只得1勝，被炒係時間嘅問題，只係球隊今季失去占士洛迪古斯同疑似有性侵事件嘅施古臣，再加上傷患困擾，引援又有限制，成績比上季差係在所難免，所以係咪做特務搞破壞就一笑置之啦～
肥賓落鑊過後，由鄧肯費格遜再度短暫上場，然後2月林柏特正式接手企圖拯救愛華頓🤣提到林柏特今次執教愛華頓，真係「雷聲大雨點小」，為左護級借用雲迪碧克同係熱刺購入迪利阿里，但前者因傷患問題令到借用期間只係上陣7場，作用不大，而後者有幾可聽到佢嘅作用呢？
講完有趣嘅引援方針，林柏特領軍第一仗嘅聯賽盃大勝4比1確實帶來新氣象，但其後就見真章，聯賽9場只得2勝，其中對熱刺更加被炒5球，水晶宮係足總盃都可以炒四球，問題在於林柏特將當時係車路士嘅打法搬過嚟，高位逼搶同人鬥搶，雖然大家都係藍色衫，但質素就差幾班，再者護級係要搶分，1分係每場嘅最低目標，但愛華頓當時著重嘅係進攻多於防守，結果令到林伯執掌嘅早期階段淪為笑柄🥲當愛華頓正式進入降班區，林柏特又突然地開竅放棄進攻足球，變成低位防守兼反擊，而正正呢個改變就係曼聯身上取得寶貴3分，改變打法後8場只得兩負，對車路士一伇碧福特更化身銅牆鐵壁保住3分，最後係第37輪聯賽，上半場落後2球，下半場加快節奏直接傳中，絕地大反擊反勝3比2兼且護級成功🙌🏻
對於下半季嘅護級成功，依靠嘅除左有領隊戰術，更多嘅係球員不放棄嘅心態，所以林柏特幫拖肥護級成功係咪好犀利呢，只能夠講球員嘅功勞會比佢多更多。至於一整季嘅跌跌撞撞，管理層責無旁貸，下半季引入球員同領隊方針失敗，絕對有更好嘅選擇，更甚嘅係賣走迪尼都係大錯，所以呢種連環犯錯，相信只有「Everton先生」先至做到🥵
今季代表作：愛華頓 3-2 水晶宮🙌🏻最佳收購：迪馬禮格雷 Demarai Gray🏴5球4助攻
最佳球員：李察利臣 Richarlison🇧🇷10球5助攻
最佳進步球員：安東尼哥頓 Anthony Gordon🏴4球2助攻
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hkFacebook: 足球港場
第1️⃣6️⃣位 愛華頓🔵
如果香港有《E先生連環不幸事件》，咁相信英格蘭都有一位E先生，呢位Everton先生由上季嘗試競逐歐洲賽位置，變成為護戰而戰，其中球隊經歷「Agent Rafa」嘅洗禮、傷患同林柏特嘅執教，雖然最後能夠留係英超，但過程中遭受嘅連環不幸事件，更多嘅係源於管理層嘅無能👎🏼而到底賓尼迪斯係咪真係做特務搞破壞，後來嘅林柏特幫球隊護級又係咪好犀利呢？😱現實：第16位 預測：第8位（⬇️8位）
開季之前我地預測愛華頓會能夠保持實力留係前十名，基於陣中有唔少好手，包括兩位有功架嘅前鋒，法國國腳盧卡斯甸尼同占士洛迪古斯⭐️然而，豪洗一季過後安察洛堤拍拍囉柚就走左，留低嘅爛攤子由賓尼迪斯接手，新帥上任肥賓將自己唔鍾意用嘅占士洛迪古斯賣走，然後引入多名舊部，包括免簽安祖斯唐辛同朗當(Salomón Rondón)，仲有購入後備門將比高域同過去敗走英超嘅迪馬禮格雷，8月嘅轉會單論轉會費只係用左200萬歐元，明顯賓尼迪斯係被命令慳住洗，而佢亦曾經為球迷帶嚟驚喜⚡️愛華頓開季相當火熱，頭7場聯賽只係錄得一場敗仗，其間殘陣對住曼聯仲要比唐辛反擊得手，係奧脫福對住C朗作出C朗式嘅Siu慶祝動作，簡直係挑釁性十足🤣
不過，球隊過後風光不再，卡華利雲上半季長期養傷，安祖高美斯、杜哥利都先後缺席3 4場比賽，後備嘅湯戴維斯因為膝傷更加甚少上陣，結果前線缺人有時候要用上朗當，中場人手緊張，後防米高堅尼今季頻頻派膠，即使打反擊亦只有李察利臣做到策應，結果10月起8場不勝只得2分，出奇地贏完阿仙奴又4場不勝，戰績強差人意，結果肥賓係對榜尾諾域治輸波後正式落鑊❌
其中都有一個小插曲，就係肥賓同盧卡斯迪尼不和，後者就被賣到維拉，然後管理層發現做錯決定兼且因為球隊戰績差而炒人，但到底管理層做事有無條理呢？戰績低迷係不爭嘅事實，若然肥賓同迪尼發生不和更加係開刀嘅好藉口，然而最後係「兩頭唔到岸」，人財兩失，管理層嘅做法係非常唔明智。而討論到肥賓係咪「Agent Rafa」，首先係開季前愛華頓已經明顯係一件「豬頭骨」，新一任嘅教頭係極少資金買人，而管理層不計前嫌聘用想留係默西賽德郡陪家人嘅肥賓，季初有打出成績，而其後13場只得1勝，被炒係時間嘅問題，只係球隊今季失去占士洛迪古斯同疑似有性侵事件嘅施古臣，再加上傷患困擾，引援又有限制，成績比上季差係在所難免，所以係咪做特務搞破壞就一笑置之啦～
肥賓落鑊過後，由鄧肯費格遜再度短暫上場，然後2月林柏特正式接手企圖拯救愛華頓🤣提到林柏特今次執教愛華頓，真係「雷聲大雨點小」，為左護級借用雲迪碧克同係熱刺購入迪利阿里，但前者因傷患問題令到借用期間只係上陣7場，作用不大，而後者有幾可聽到佢嘅作用呢？
講完有趣嘅引援方針，林柏特領軍第一仗嘅聯賽盃大勝4比1確實帶來新氣象，但其後就見真章，聯賽9場只得2勝，其中對熱刺更加被炒5球，水晶宮係足總盃都可以炒四球，問題在於林柏特將當時係車路士嘅打法搬過嚟，高位逼搶同人鬥搶，雖然大家都係藍色衫，但質素就差幾班，再者護級係要搶分，1分係每場嘅最低目標，但愛華頓當時著重嘅係進攻多於防守，結果令到林伯執掌嘅早期階段淪為笑柄🥲當愛華頓正式進入降班區，林柏特又突然地開竅放棄進攻足球，變成低位防守兼反擊，而正正呢個改變就係曼聯身上取得寶貴3分，改變打法後8場只得兩負，對車路士一伇碧福特更化身銅牆鐵壁保住3分，最後係第37輪聯賽，上半場落後2球，下半場加快節奏直接傳中，絕地大反擊反勝3比2兼且護級成功🙌🏻
對於下半季嘅護級成功，依靠嘅除左有領隊戰術，更多嘅係球員不放棄嘅心態，所以林柏特幫拖肥護級成功係咪好犀利呢，只能夠講球員嘅功勞會比佢多更多。至於一整季嘅跌跌撞撞，管理層責無旁貸，下半季引入球員同領隊方針失敗，絕對有更好嘅選擇，更甚嘅係賣走迪尼都係大錯，所以呢種連環犯錯，相信只有「Everton先生」先至做到🥵
今季代表作：愛華頓 3-2 水晶宮🙌🏻最佳收購：迪馬禮格雷 Demarai Gray🏴5球4助攻
最佳球員：李察利臣 Richarlison🇧🇷10球5助攻
最佳進步球員：安東尼哥頓 Anthony Gordon🏴4球2助攻
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hkFacebook: 足球港場
請按此登錄後留言。未成為會員? 立即註冊