《英超賽季總結》
第1️⃣5️⃣位 修咸頓👼🏻
「提早暑假，投奔初夏🎶」呢句歌詞就非常適合今日要講嘅球隊修咸頓，每年攞到接近40分達到傳統護級線，就完全放假mode成績倒水，如同往年鶴臣領軍嘅水晶宮一樣，但其實一部份嘅原因係修咸頓嘅投資確實太少，近幾年嘅轉會收資平衡，往往都係賺多過蝕，變相係低買高賣，自負盈虧，喺軍備競賽嘅英超今季係20隊之中轉會收資總結有賺錢，兼且係賺最多嘅球隊，合共收益1720萬歐元，所以呢種投資金額同戰績作比例，哈辛赫圖領軍已經合格有餘🥵現實：第15位 預測：第16位（⬆️1位）
開季前我地預測修咸頓能夠保持一貫水準，因為佢哋上季係下半季只係攞到14分，整季就只有43分，所以其實對比起今季如出一轍，只係分數上減去3分，今個下半季就攞到19分，比例上仍然係相似👀對於丹尼京斯以3000萬歐元離隊，加上維斯特加特同貝查特轉投李城，修咸頓繼續係轉會市場使出魔法，先以1770萬歐元從布力般流浪收購英冠次席神射手阿當岩士唐，再從法甲收購左閘佩奧特(Romain Perraud)同係意甲補強中堅人選列恩高(Lyanco)，最後嘅亮點當然係引入車路士孖寶，右閘利華文圖同前鋒保查，資金有限但仍然能夠保住實力，整個轉會團隊確實唔簡單👍🏼開季以來雖然球隊都係保持4-4-2陣式，展開陣容4-2-2-2致命逼搶，今季前場迫搶成功次數排係英超第四位，不過球員方面就有所變動，包括提拔沙利素(Mohammed Salisu)打正選中堅，利華文圖擔任出擊右閘，前線就由阿當岩士唐拍住查阿當斯🙌🏻
對於上半季嘅修咸頓都係喺下半版求存，10月起曾經接近降班區但觸底反彈，當時球隊相對磨合完成，保查開始有機會出任正選，佢亦係當時交出功課。不過因為球隊實力有限，狀態亦比較飄忽，6場不勝後再度迎來反彈，聖誕節過後嘅快車期間企穩中游位置，9場聯賽只係錄得一場敗仗，其餘時間5勝3和，當時前中後三線發力，首循環對熱刺10人應戰下守和，次循環對熱刺2分鐘內連入兩球反勝3比2，仲有守和曼城1比1，同埋幾乎以防守反擊殺死曼聯，當時正正就係呢種踢法令麥佳亞後腳防守弄出洋相🥶
正當一切向好，包括沙利素防守出色上位，華特包斯直入幾個罰球，獲加比特斯同費沙科士打都入選英格蘭國家隊，甚至因為聯賽戰績由下半版殺到上第10位，一度被人討論爭奪歐洲賽席位嘅可能性，然而形勢就急轉直下🥲
或者係無慾無求嘅關係，聯賽戰績自3月起一直向下，最後12場聯賽只得1勝2和9負，當中僅餘嘅勝仗正正就係費沙科士打化身銅牆鐵壁1比0守死爭四嘅阿仙奴，但其後都係敗仗為主，最終以第15位衝線🙌🏻以一個小球會嚟講，呢種投資水平有呢個成績，哈辛赫圖真係最大嘅功臣，至於季中修咸頓由中國商人高繼勝轉手到塞爾維亞商人，相信轉會投資方面或有所改善，但首要任務係保住華特包斯、利華文圖，同埋嘗試購入保查，前線查阿當斯屬於開路型前鋒，要配上把握力高嘅射手先會發揮出最大效用，所以車路士借將保查真係要留，20歲32場攻入6球，絕對有潛力發揮得更好，另外兩翼都要再補強，所以期望今個夏天轉會窗修咸頓能夠帶來驚喜。今季代表作：熱刺 2-3 修咸頓🙌🏻
最佳收購：利華文圖 Valentino Livramento🏴19歲右閘1球1助攻
最佳球員：華特包斯 James Ward-Prowse🏴10球5助攻（4個罰球直入）
最佳進步球員：沙利素 Mohammed Salisu🇬🇭
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場
第1️⃣5️⃣位 修咸頓👼🏻
「提早暑假，投奔初夏🎶」呢句歌詞就非常適合今日要講嘅球隊修咸頓，每年攞到接近40分達到傳統護級線，就完全放假mode成績倒水，如同往年鶴臣領軍嘅水晶宮一樣，但其實一部份嘅原因係修咸頓嘅投資確實太少，近幾年嘅轉會收資平衡，往往都係賺多過蝕，變相係低買高賣，自負盈虧，喺軍備競賽嘅英超今季係20隊之中轉會收資總結有賺錢，兼且係賺最多嘅球隊，合共收益1720萬歐元，所以呢種投資金額同戰績作比例，哈辛赫圖領軍已經合格有餘🥵現實：第15位 預測：第16位（⬆️1位）
開季前我地預測修咸頓能夠保持一貫水準，因為佢哋上季係下半季只係攞到14分，整季就只有43分，所以其實對比起今季如出一轍，只係分數上減去3分，今個下半季就攞到19分，比例上仍然係相似👀對於丹尼京斯以3000萬歐元離隊，加上維斯特加特同貝查特轉投李城，修咸頓繼續係轉會市場使出魔法，先以1770萬歐元從布力般流浪收購英冠次席神射手阿當岩士唐，再從法甲收購左閘佩奧特(Romain Perraud)同係意甲補強中堅人選列恩高(Lyanco)，最後嘅亮點當然係引入車路士孖寶，右閘利華文圖同前鋒保查，資金有限但仍然能夠保住實力，整個轉會團隊確實唔簡單👍🏼開季以來雖然球隊都係保持4-4-2陣式，展開陣容4-2-2-2致命逼搶，今季前場迫搶成功次數排係英超第四位，不過球員方面就有所變動，包括提拔沙利素(Mohammed Salisu)打正選中堅，利華文圖擔任出擊右閘，前線就由阿當岩士唐拍住查阿當斯🙌🏻
對於上半季嘅修咸頓都係喺下半版求存，10月起曾經接近降班區但觸底反彈，當時球隊相對磨合完成，保查開始有機會出任正選，佢亦係當時交出功課。不過因為球隊實力有限，狀態亦比較飄忽，6場不勝後再度迎來反彈，聖誕節過後嘅快車期間企穩中游位置，9場聯賽只係錄得一場敗仗，其餘時間5勝3和，當時前中後三線發力，首循環對熱刺10人應戰下守和，次循環對熱刺2分鐘內連入兩球反勝3比2，仲有守和曼城1比1，同埋幾乎以防守反擊殺死曼聯，當時正正就係呢種踢法令麥佳亞後腳防守弄出洋相🥶
正當一切向好，包括沙利素防守出色上位，華特包斯直入幾個罰球，獲加比特斯同費沙科士打都入選英格蘭國家隊，甚至因為聯賽戰績由下半版殺到上第10位，一度被人討論爭奪歐洲賽席位嘅可能性，然而形勢就急轉直下🥲
或者係無慾無求嘅關係，聯賽戰績自3月起一直向下，最後12場聯賽只得1勝2和9負，當中僅餘嘅勝仗正正就係費沙科士打化身銅牆鐵壁1比0守死爭四嘅阿仙奴，但其後都係敗仗為主，最終以第15位衝線🙌🏻以一個小球會嚟講，呢種投資水平有呢個成績，哈辛赫圖真係最大嘅功臣，至於季中修咸頓由中國商人高繼勝轉手到塞爾維亞商人，相信轉會投資方面或有所改善，但首要任務係保住華特包斯、利華文圖，同埋嘗試購入保查，前線查阿當斯屬於開路型前鋒，要配上把握力高嘅射手先會發揮出最大效用，所以車路士借將保查真係要留，20歲32場攻入6球，絕對有潛力發揮得更好，另外兩翼都要再補強，所以期望今個夏天轉會窗修咸頓能夠帶來驚喜。今季代表作：熱刺 2-3 修咸頓🙌🏻
最佳收購：利華文圖 Valentino Livramento🏴19歲右閘1球1助攻
最佳球員：華特包斯 James Ward-Prowse🏴10球5助攻（4個罰球直入）
最佳進步球員：沙利素 Mohammed Salisu🇬🇭
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場
請按此登錄後留言。未成為會員? 立即註冊