《英超賽季總結》
第1️⃣位 曼城🌙🏆
「香港四大才子」之一，一代巨匠倪匡兩日前離世，一代文壇代表逝世令人感到惋惜，而「香港四大才子」之中就剩下蔡瀾一人，強行延伸至今日要講嘅曼城，面對「四大獎盃」，陣容星光熠熠，比賽節奏控制力極高兼且收放自如，攻擊力亦相當恐怖，而最終卻只贏取一個冠軍，而且奪取冠軍嘅過程相當驚險，到底四線作戰之中又發生左咩情況呢👀現實：第1位 預測：第1位（✅）
開季前我地預測曼城能夠完成聯賽兩連冠，畢竟球隊實力雄厚，哥迪奧拿祭出嘅Tiki-Taka配上有腳法地面搓傳嘅球員，加上有無限金錢支撐，真係難啲輸波🥶然而季初未能購入哈利簡尼，又花費1.18億歐元購買基亞利殊，考慮到無正中鋒可用，繼而要起用「無鋒陣」，一度令人質疑能否支撐整季。不過，其實係20/21賽季阿古路長時間受傷哥帥已經玩無鋒陣，迪布尼傷出嘅時候正正依靠根度簡後上插入狂入波解放入球能力🤣所以玩無鋒陣哥帥都有經驗～曼城今季其實有5個爭標機會，第一個就係社區盾，對於呢個「熱身賽」哥迪奧拿唔算重視，反而給予二隊高爾彭馬(Cole Palmer)同伊度斯(Samuel Edozie)上陣，同時間重點或許落係「一億鎊先生」基亞利殊為曼城上演嘅地標戰，而輪換陣容對戰李斯特城仍然不落下風，最後只係輸一記十二碼失落錦標🥸
第二個爭標機會就係近年曼城嘅「囊中物」聯賽盃，過往連續4季嘅聯賽盃均由曼城奪得，但今季第四輪抽中韋斯咸，面對莫耶斯帶領嘅球隊，即使曼城射門次數高達25次仍然未能破門，十二碼決勝階段科頓第一輪射失，門將史堤芬未能撲出一個十二碼之下五連霸聯賽盃夢碎💭
講到曼城後備門將就不得不提第三個爭標機會足總盃，晉級過程輕輕鬆鬆，直到4強面對利物浦，基於賽程緊密曼城兩日前踢完歐聯就要備戰紅軍，哥迪奧拿作出輪換係無錯嘅選擇，可惜後備門將史堤芬卻「冼佢一鑊」，曼城上半場先失三球，第一球被干拿迪泰山壓頂之下頂入頭鎚無辦法，但第二球門將史堤芬被文尼逼搶之下門前失誤，第三球門將嘅準備功夫不足兼且落地唔夠快，因此上半場嘅劣勢佢要負上一半責任，然而史堤芬並不是第一次係重要關頭出錯， 上季足總盃四強曼城對車路士就係史堤芬出與唔出之間比薛耶治射入空門一箭定江山，因此哥迪奧拿係今夏放棄史堤芬並引入德甲球隊比勒費爾德門將奧迪加(Stefan Ortega)係非常正確，呢位門將上季場均有3.8次撲救為德甲最高，相信佢會取代前者成為新二號門將⚡️國內盃賽搞唔掂，曼城係歐聯又係只差一點點，歐聯小組賽曼城以4勝2負首名出線，當中PSG嘅美斯對戰哥迪奧拿成為一時佳話。淘汰賽階段十六強抽中葡超史砵亭首回合大炒5球解決對手，次回合更加換入三號門將史葛卡臣(Scott Carson)出嚟玩一玩，可見其輕鬆程度🤣八強面對施蒙尼馬體會，對手使出5-5-0全守戰術一度有機會守到尾，不過科頓上陣就立即製造混亂攻入關鍵嘅一球，因為次回合馬體會需要進攻，最後更出晒各樣矛招令呢場悶戰係尾段「升溫」🥵最後嘅歐聯四強面對皇家馬德里，首回合兩隊都係非full team上陣，縱使曼城早段先入兩球，但往往都係未能擊沉皇馬，史東斯傷出由費蘭甸奴出任右閘更出現雲尼素斯千里走單騎嘅畫面，最後曼城只係以一球優勢迎戰次回合。次回合兩隊雖然變得完整，但曼城仍然係有較多優勢嘅一隊，73分鐘再入一球，當時迪布尼、馬列斯同捷西斯已經係90分鐘內換走，但90分鐘後皇馬先迎來絕地大反擊，2分鐘內追平加時仲要反勝曼城，及後唔少球迷批評或恥笑哥帥早換人，但考慮返整場皇馬都無優勢兼且相差兩球，最終輸波出局實屬無運，因為對方領隊安察洛堤表示佢都唔知點解贏到，所以世事邊有咁多早知🤷♂️最後拿下嘅聯賽冠軍，曼城嘅人腳、球員能力、發揮同穩定程度都係一絕，例如聯賽從未出現過連敗，12月中曾經大炒列斯聯7球，但又可以係月尾對住賓福特入完一球就收油，攻守都收放自如先係最高境界🔥不過，曼城嘅無鋒陣都唔係無敵，正如季中1月同3月分別對戰修咸頓同水晶宮都係打和，兩場嘅形勢都係一面倒兼且皮球係對方門前飛來飛去，只係差最後一腳，兩場失分加上輸比熱刺，令曼利之間嘅分差逐漸縮窄至2分，聯賽兩戰利物浦亦係未能分出勝負，季尾對戰韋斯咸同阿士東維拉更出現驚險一幕，最終曼城係最後一輪聯賽奪得今季唯一嘅獎盃🏆今季曼城聯賽29勝6和3負，攻入99球失26球奪93分，數據上已經係頂尖球隊，但要再進一步完善同避免今季尾段嘅驚險場面，陣容深度就需要提升。今季左閘班捷文文迪因為性侵事件被拘捕調查，導致簡些路需要出任左閘位置，固然佢嘅表現大幅進步，但季尾卡爾獲加、史東斯同戴亞斯相繼受傷，導致歐聯四強陣容未能全陣出擊，右閘位置由費蘭甸奴出任更出現唔少問題，對戰皇馬同韋斯咸都被對手以速度爆破，繼而促使曼城追逐左閘古古利拿👀最後，來季夏蘭特加盟將摒棄無鋒陣，但踢左接近一季半嘅戰術短時間內改變，例如兩邊出波係中腰波定高波都係要重新調配，因此來季初段或會有波動～今季代表作：歐聯四強首回合 曼城 4-3 皇家馬德里🙌🏻
最佳收購：基亞利殊🏴1.18億歐元來投（因為無其他選擇🥵）
最佳球員：奇雲迪布尼🇧🇪15球8助攻
最佳進步球員：簡些路🇵🇹1球7助攻
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場
第1️⃣位 曼城🌙🏆
「香港四大才子」之一，一代巨匠倪匡兩日前離世，一代文壇代表逝世令人感到惋惜，而「香港四大才子」之中就剩下蔡瀾一人，強行延伸至今日要講嘅曼城，面對「四大獎盃」，陣容星光熠熠，比賽節奏控制力極高兼且收放自如，攻擊力亦相當恐怖，而最終卻只贏取一個冠軍，而且奪取冠軍嘅過程相當驚險，到底四線作戰之中又發生左咩情況呢👀現實：第1位 預測：第1位（✅）
開季前我地預測曼城能夠完成聯賽兩連冠，畢竟球隊實力雄厚，哥迪奧拿祭出嘅Tiki-Taka配上有腳法地面搓傳嘅球員，加上有無限金錢支撐，真係難啲輸波🥶然而季初未能購入哈利簡尼，又花費1.18億歐元購買基亞利殊，考慮到無正中鋒可用，繼而要起用「無鋒陣」，一度令人質疑能否支撐整季。不過，其實係20/21賽季阿古路長時間受傷哥帥已經玩無鋒陣，迪布尼傷出嘅時候正正依靠根度簡後上插入狂入波解放入球能力🤣所以玩無鋒陣哥帥都有經驗～曼城今季其實有5個爭標機會，第一個就係社區盾，對於呢個「熱身賽」哥迪奧拿唔算重視，反而給予二隊高爾彭馬(Cole Palmer)同伊度斯(Samuel Edozie)上陣，同時間重點或許落係「一億鎊先生」基亞利殊為曼城上演嘅地標戰，而輪換陣容對戰李斯特城仍然不落下風，最後只係輸一記十二碼失落錦標🥸
第二個爭標機會就係近年曼城嘅「囊中物」聯賽盃，過往連續4季嘅聯賽盃均由曼城奪得，但今季第四輪抽中韋斯咸，面對莫耶斯帶領嘅球隊，即使曼城射門次數高達25次仍然未能破門，十二碼決勝階段科頓第一輪射失，門將史堤芬未能撲出一個十二碼之下五連霸聯賽盃夢碎💭
講到曼城後備門將就不得不提第三個爭標機會足總盃，晉級過程輕輕鬆鬆，直到4強面對利物浦，基於賽程緊密曼城兩日前踢完歐聯就要備戰紅軍，哥迪奧拿作出輪換係無錯嘅選擇，可惜後備門將史堤芬卻「冼佢一鑊」，曼城上半場先失三球，第一球被干拿迪泰山壓頂之下頂入頭鎚無辦法，但第二球門將史堤芬被文尼逼搶之下門前失誤，第三球門將嘅準備功夫不足兼且落地唔夠快，因此上半場嘅劣勢佢要負上一半責任，然而史堤芬並不是第一次係重要關頭出錯， 上季足總盃四強曼城對車路士就係史堤芬出與唔出之間比薛耶治射入空門一箭定江山，因此哥迪奧拿係今夏放棄史堤芬並引入德甲球隊比勒費爾德門將奧迪加(Stefan Ortega)係非常正確，呢位門將上季場均有3.8次撲救為德甲最高，相信佢會取代前者成為新二號門將⚡️國內盃賽搞唔掂，曼城係歐聯又係只差一點點，歐聯小組賽曼城以4勝2負首名出線，當中PSG嘅美斯對戰哥迪奧拿成為一時佳話。淘汰賽階段十六強抽中葡超史砵亭首回合大炒5球解決對手，次回合更加換入三號門將史葛卡臣(Scott Carson)出嚟玩一玩，可見其輕鬆程度🤣八強面對施蒙尼馬體會，對手使出5-5-0全守戰術一度有機會守到尾，不過科頓上陣就立即製造混亂攻入關鍵嘅一球，因為次回合馬體會需要進攻，最後更出晒各樣矛招令呢場悶戰係尾段「升溫」🥵最後嘅歐聯四強面對皇家馬德里，首回合兩隊都係非full team上陣，縱使曼城早段先入兩球，但往往都係未能擊沉皇馬，史東斯傷出由費蘭甸奴出任右閘更出現雲尼素斯千里走單騎嘅畫面，最後曼城只係以一球優勢迎戰次回合。次回合兩隊雖然變得完整，但曼城仍然係有較多優勢嘅一隊，73分鐘再入一球，當時迪布尼、馬列斯同捷西斯已經係90分鐘內換走，但90分鐘後皇馬先迎來絕地大反擊，2分鐘內追平加時仲要反勝曼城，及後唔少球迷批評或恥笑哥帥早換人，但考慮返整場皇馬都無優勢兼且相差兩球，最終輸波出局實屬無運，因為對方領隊安察洛堤表示佢都唔知點解贏到，所以世事邊有咁多早知🤷♂️最後拿下嘅聯賽冠軍，曼城嘅人腳、球員能力、發揮同穩定程度都係一絕，例如聯賽從未出現過連敗，12月中曾經大炒列斯聯7球，但又可以係月尾對住賓福特入完一球就收油，攻守都收放自如先係最高境界🔥不過，曼城嘅無鋒陣都唔係無敵，正如季中1月同3月分別對戰修咸頓同水晶宮都係打和，兩場嘅形勢都係一面倒兼且皮球係對方門前飛來飛去，只係差最後一腳，兩場失分加上輸比熱刺，令曼利之間嘅分差逐漸縮窄至2分，聯賽兩戰利物浦亦係未能分出勝負，季尾對戰韋斯咸同阿士東維拉更出現驚險一幕，最終曼城係最後一輪聯賽奪得今季唯一嘅獎盃🏆今季曼城聯賽29勝6和3負，攻入99球失26球奪93分，數據上已經係頂尖球隊，但要再進一步完善同避免今季尾段嘅驚險場面，陣容深度就需要提升。今季左閘班捷文文迪因為性侵事件被拘捕調查，導致簡些路需要出任左閘位置，固然佢嘅表現大幅進步，但季尾卡爾獲加、史東斯同戴亞斯相繼受傷，導致歐聯四強陣容未能全陣出擊，右閘位置由費蘭甸奴出任更出現唔少問題，對戰皇馬同韋斯咸都被對手以速度爆破，繼而促使曼城追逐左閘古古利拿👀最後，來季夏蘭特加盟將摒棄無鋒陣，但踢左接近一季半嘅戰術短時間內改變，例如兩邊出波係中腰波定高波都係要重新調配，因此來季初段或會有波動～今季代表作：歐聯四強首回合 曼城 4-3 皇家馬德里🙌🏻
最佳收購：基亞利殊🏴1.18億歐元來投（因為無其他選擇🥵）
最佳球員：奇雲迪布尼🇧🇪15球8助攻
最佳進步球員：簡些路🇵🇹1球7助攻
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場
請按此登錄後留言。未成為會員? 立即註冊