英格蘭社區盾賽前預測

足球港場 於 07/08/2021 發表 收藏文章
英格蘭社區盾🏴󠁧󠁢󠁥󠁮󠁧󠁿等左好耐嘅英超比賽終於返嚟啦~
🦊李斯特城 對 曼城🌝
loading
「足總盃冠軍🏆」李斯特城係今個夏天頻頻買人補充陣容深度,睇嚟要為新一季再次衝擊前四位置,並且要係歐洲賽打出成績😤不過,係最近嘅熱身賽對戰西甲歐霸盃冠軍維拉利爾,其間對方球員連奴從後兇狠攔截🤬導致左腳腓骨骨折,暫時消息指科芬拿要下年先可以回歸賽場,係到只能希望科芬拿能夠早日康復,並且係以後克服傷患,打出更出色嘅表現🤢不過呢個時候,要準備社區盾呢場硬仗嘅李斯特城就頭痕了😟
❌科芬拿
❌伊雲斯
❌卡斯坦尼
❌祖斯甸
❌南柏斯文迪
以上已經係唔能夠出戰嘅5位守將,以領隊羅渣士上季嘅陣容戰術,3中堅位置可能由土耳其中堅蘇恩祖、新買嘅貝查特同可能係24歲中堅賓高域擔任,呢位賓高域仍然未曾為李城出戰過聯賽,過往一直外借到不同球隊,睇吓今晚會唔會得到羅渣士嘅歡心👀
然而,李斯特城並唔係完全冇機會,因為上季喺足總盃決賽,對住車路士仍然能夠展現韌性,由泰利文斯攻入一球世界波捧走冠軍,今晚就睇吓佢能唔能夠再製造奇蹟。同一時間,邊鋒哈菲班尼斯傷癒復出,加上華迪同肯衝肯搏嘅達卡,李斯特城能夠同曼城一戰🔥「英超冠軍🏆」曼城係今個夏天一擲「億」金,收購阿士東維拉絕對核心基亞利殊,由佢穿上傳奇阿古路嘅🔟號波衫,估計佢今晚都應該可以為曼城出戰,到時候就可以睇吓佢值唔值呢個身價👀
上一年係社區盾比賽曼城並無資格參與,而自哥迪奧拿執教曼城起,兩戰社區盾都以勝利作結,而今晚能唔能夠再攞多一個獎盃呢🏆事實上,曼城仍然有暗湧🌊 曼城部份主力有一部份啱啱歸隊,亦有一部份係今晚唔會上場,例如加比爾捷西斯同門將艾達臣仲放緊假,史達寧、迪布尼同卡爾獲加3位主將一場熱身賽都冇參與,所以曼城陣容上其實都唔係有太大優勢。
再者,近3場熱身賽哥迪奧拿排出4-1-4-1陣式,今晚會唔會轉陣定繼續用小將Ben Knight做前鋒呢?咁多嘅不確定性令曼城能夠贏波增加太多變數,而且左閘用上文迪🧐上季初李斯特城作客大勝5️⃣比2️⃣曼城,其中一個十二碼就係由佢送出,仲有尼敦艾基呢位中堅都好耐冇喺英超出戰,狀態成疑,所以就要睇吓哥迪奧拿會唔會再一次「聰明反被聰明誤」🥺預計賽果💡
🦊李斯特城2️⃣-2️⃣曼城🌝
睇到呢度,歡迎你一齊參加我地嘅大抽獎!!!
loading

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→