般尼茅夫輕取聖徒 升班馬修咸頓大禍臨頭依然控球
英超星期一賽事，南部球隊對疊般尼茅夫對修咸頓，主隊般尼茅夫開季表現只輸比強隊，而今日4-2-3-1陣式中堅用返辛尼斯(Marcos Senesi)，左閘為卻基斯(Milos Kerkez)，攻擊中場為達華尼爾(Marcus Tavernier)。另一邊嘅修咸頓目前排係榜尾只得一分，正正就係上一場賽和另一支升班馬葉士域治取得一分，今日4-2-3-1陣式，18歲小將迪比寧(Tyler Dibling)擔任正前鋒，左右兩翼為賴恩費沙(Ryan Fraser)同哥尼特(Maxwel Cornet)。
修咸頓上半場早段有較多控球率並相對主動，繼續後場搓傳同4-2-2-2逼搶，但搓傳嘅大部份都係自家半場，皮球運到上前場一係被搶截，一係由前場球員帶兩下就被包夾，令到修咸頓空有控球但一啲威脅都無。
去到17分鐘般尼茅夫前場駁到犯規快開，修咸頓球員竟然無人注意，達華尼爾快速斬入禁區由艾雲尼遜(Evanilson)射入，為主隊領先1比0並且射入加盟第一個入球。
32分鐘般尼茅夫一次進攻，右翼施曼尤(Antoine Semenyo)推到禁區底，連續兩次拐過對手Cut Back中路由李維士曲克(Lewis Cook)起腳，省中奧亞達拿(Dango Ouattara)改變方向入網，為主隊領先到二比零。6分鐘後右翼施曼尤再度發威，右路禁區頂扭過車仔借將烏高卓古(Lesley Ugichukwu)，右腳地波射遠柱入網3比0。
上半場就落後3球嘅修咸頓係半場作出調動，馬上收起防中烏高卓古、賴恩費沙同哥尼特，換入中場艾利保(Joe Aribo)、中鋒史達華特(Ross Stewart)、左翼比列頓迪亞斯(Ben Brereton Diaz)，小將迪比寧就移返去右翼。
51分鐘修咸頓罰球攻勢後，夏活特比利時(Taylor Harwood-Bellis)頭鎚追返一球。曾經有起色嘅修咸頓隨着時間慢慢流逝，攻勢威脅逐漸下降，需要力拼嘅時刻依然保持控球在腳嘅踢法，結果下半場擁有66%控球率追返一球依然輸波，般尼茅夫主場3比1輕取修咸頓。
般尼茅夫今日面對對方上半場擺錯陣，成功以三個入球穩定勝局，艾雲尼遜終於貢獻加盟第一球，今日入球亦有一定難度，反映其射術質素唔錯。施曼尤場面上可以講擁有一球一助攻，今日盤扭轉身都有亮點，唯獨門將Kepa撲救上有甩手嘅情況，但球隊整體都穩打穩扎，相信今季要排喺中游應該冇難度。
作客嘅修咸頓今日上半場以踢開右翼嘅迪比寧為中鋒係最大敗筆，過去幾場賽事，佢有入球同博到十二碼，但今日喺中鋒位置顯得力不從心，身體薄弱，並且保護皮球能力不足，引致上半場進攻打少一個。兩翼與隊友配合不足，上半場極少右閘菅田由勢上前Overlap幫手，中場防守力弱，第一個失球更係低級犯錯。下半場有調動係及時止血，但其後仍然保持地面組織嘅踢法浪費太多時間，所以整場波喺部署失敗、戰術上有錯誤地方，領隊羅素馬田(Russell Martin)需要為今場失利負上最大責任。
如果睇到呢度，不妨follow我地嘅instagram同Youtube睇到更多唔同嘅足球資訊！
IG : Footballarena_hk
Facebook: 足球港場
Youtube: 足球港場 - Chung
英超星期一賽事，南部球隊對疊般尼茅夫對修咸頓，主隊般尼茅夫開季表現只輸比強隊，而今日4-2-3-1陣式中堅用返辛尼斯(Marcos Senesi)，左閘為卻基斯(Milos Kerkez)，攻擊中場為達華尼爾(Marcus Tavernier)。另一邊嘅修咸頓目前排係榜尾只得一分，正正就係上一場賽和另一支升班馬葉士域治取得一分，今日4-2-3-1陣式，18歲小將迪比寧(Tyler Dibling)擔任正前鋒，左右兩翼為賴恩費沙(Ryan Fraser)同哥尼特(Maxwel Cornet)。
修咸頓上半場早段有較多控球率並相對主動，繼續後場搓傳同4-2-2-2逼搶，但搓傳嘅大部份都係自家半場，皮球運到上前場一係被搶截，一係由前場球員帶兩下就被包夾，令到修咸頓空有控球但一啲威脅都無。
去到17分鐘般尼茅夫前場駁到犯規快開，修咸頓球員竟然無人注意，達華尼爾快速斬入禁區由艾雲尼遜(Evanilson)射入，為主隊領先1比0並且射入加盟第一個入球。
32分鐘般尼茅夫一次進攻，右翼施曼尤(Antoine Semenyo)推到禁區底，連續兩次拐過對手Cut Back中路由李維士曲克(Lewis Cook)起腳，省中奧亞達拿(Dango Ouattara)改變方向入網，為主隊領先到二比零。6分鐘後右翼施曼尤再度發威，右路禁區頂扭過車仔借將烏高卓古(Lesley Ugichukwu)，右腳地波射遠柱入網3比0。
上半場就落後3球嘅修咸頓係半場作出調動，馬上收起防中烏高卓古、賴恩費沙同哥尼特，換入中場艾利保(Joe Aribo)、中鋒史達華特(Ross Stewart)、左翼比列頓迪亞斯(Ben Brereton Diaz)，小將迪比寧就移返去右翼。
51分鐘修咸頓罰球攻勢後，夏活特比利時(Taylor Harwood-Bellis)頭鎚追返一球。曾經有起色嘅修咸頓隨着時間慢慢流逝，攻勢威脅逐漸下降，需要力拼嘅時刻依然保持控球在腳嘅踢法，結果下半場擁有66%控球率追返一球依然輸波，般尼茅夫主場3比1輕取修咸頓。
般尼茅夫今日面對對方上半場擺錯陣，成功以三個入球穩定勝局，艾雲尼遜終於貢獻加盟第一球，今日入球亦有一定難度，反映其射術質素唔錯。施曼尤場面上可以講擁有一球一助攻，今日盤扭轉身都有亮點，唯獨門將Kepa撲救上有甩手嘅情況，但球隊整體都穩打穩扎，相信今季要排喺中游應該冇難度。
作客嘅修咸頓今日上半場以踢開右翼嘅迪比寧為中鋒係最大敗筆，過去幾場賽事，佢有入球同博到十二碼，但今日喺中鋒位置顯得力不從心，身體薄弱，並且保護皮球能力不足，引致上半場進攻打少一個。兩翼與隊友配合不足，上半場極少右閘菅田由勢上前Overlap幫手，中場防守力弱，第一個失球更係低級犯錯。下半場有調動係及時止血，但其後仍然保持地面組織嘅踢法浪費太多時間，所以整場波喺部署失敗、戰術上有錯誤地方，領隊羅素馬田(Russell Martin)需要為今場失利負上最大責任。
如果睇到呢度，不妨follow我地嘅instagram同Youtube睇到更多唔同嘅足球資訊！
IG : Footballarena_hk
Facebook: 足球港場
Youtube: 足球港場 - Chung
請按此登錄後留言。未成為會員? 立即註冊