老將不死！37歲華迪主場破門賽和熱刺1比1
英超星期一獨腳戲，李斯特城主場對熱刺，闊別英超一年嘅李斯特城今季領隊同主要球員 - 杜斯貝利賀爾都轉投到車路士，球隊無太多補強並且聘請谷巴(Steve Cooper)作為新一季嘅領隊，今季方向可謂前途暗淡，不過今日李斯特城排出4-4-1-1陣式，37歲華迪(Jamie Vardy)負傷上陣，借將邦拿諾迪(Facundo Buoanotte)踢攻擊中場，法迪胡(Abdul Fatawu)同波比列特(Bobby Reid)分別擔任左右兩翼。熱刺方面4-2-3-1陣式，正前鋒起用新收購嘅蘇蘭基(Dominic Solanke)，而中場賓坦古亞正選上陣取代疑似吸笑氣而被停賽嘅比素馬。
上半場李斯特城戰術上主要防守等待反擊機會，低位防守保護禁區，再等左翼嘅法迪胡打突擊交比前鋒華迪。整體願景如此但實情係捱打為主，熱刺上半場擁有73%嘅控球率，10次起腳5次中龍並且係29分鐘麥迪臣左路禁區外傳中，柏度普路(Pedro Porro)內切斜cut入十二碼點，頭鎚一頂入網，為熱刺領先一比零。
數據上開波頭15分鐘熱刺已經有5次起腳，新援蘇蘭基有時候做到支點駁腳、係禁區停波嘅作用，麥迪臣不斷游走但靠向左路支援孫興慜，而熱刺上半場進攻都較為依賴左邊孫仔發板，雖然只入一球，但進攻上已經令對方瀕臨死亡。
下半場熱刺更加著重地面組織同利用右路進攻，而57分鐘李斯特城一次反擊，左閘基斯甸臣傳中不果，輪到右路法迪胡傳中，熱刺中堅羅美路防守失誤再包越位，華迪小禁區一頂入網，貢獻李斯特城重返英超第一球並且追平比數一比一！
李城入球乘勝追擊壓前進攻，70分鐘中路比波走位，華迪壓入禁區單對單面對門將一射被撲出。1分鐘後熱刺角球攻勢，賓坦古亞一次爭頂倒地腦震盪，需要吸氧氣由擔架抬出。及後熱刺一口氣換入添姆雲拿、古路錫夫斯基、艾治格雷(Archie Gray)同貝治禾(Lucas Bergvall)，換人後係禁區搓傳做得更加幼細，但依舊未能破門，加上李察利臣未能把握最後一擊，最終李斯特城1比1賽和熱刺，取得重返英超第一分。
李斯特城今日取得1分確實振奮人心，特別係老將華迪入球後咆哮慶祝，直接宣告李斯特城重返英超。今日防守4-4-2陣式上半場只係一直縮後，令到對方有過多空間出波，即使守得到傳中威脅，對方嘅角球攻勢亦差點索命，所以下半場迫返出去令對方唔會肆無忌憚壓前係成功嘅調動。球員質素上未必比得上作客嘅熱刺，但今日主隊球員所展現嘅態度係團結有拼勁，個別球員發揮更加出色，包括係門將靴文臣出迎同撲波判斷清晰，右閘側士田盡力保住後防（7次解圍、6次搶回球權），右翼法達胡跑動快、腳法靈活，而借將邦拿諾迪嘅搶截有效，推波帶波同組織進攻都有啲睇頭，所以李斯特城護級之路值得期待。
熱刺今日表現其實係冇問題，正如上述上半場10射5中龍，下半場地面傳送或者喺禁區都極具威脅，只係對方防守更加賣命而不幸地失去2分。新加盟嘅成員需要時間磨合，李察利臣嘅把握力同添姆雲拿嘅位置問題亦需要解決，因此熱刺整體進攻感覺問題不大。
如果睇到呢度，不妨follow我地嘅instagram同Youtube睇到更多唔同嘅足球資訊！
IG : Footballarena_hk
Facebook: 足球港場
Youtube: 足球港場 - Chung
英超星期一獨腳戲，李斯特城主場對熱刺，闊別英超一年嘅李斯特城今季領隊同主要球員 - 杜斯貝利賀爾都轉投到車路士，球隊無太多補強並且聘請谷巴(Steve Cooper)作為新一季嘅領隊，今季方向可謂前途暗淡，不過今日李斯特城排出4-4-1-1陣式，37歲華迪(Jamie Vardy)負傷上陣，借將邦拿諾迪(Facundo Buoanotte)踢攻擊中場，法迪胡(Abdul Fatawu)同波比列特(Bobby Reid)分別擔任左右兩翼。熱刺方面4-2-3-1陣式，正前鋒起用新收購嘅蘇蘭基(Dominic Solanke)，而中場賓坦古亞正選上陣取代疑似吸笑氣而被停賽嘅比素馬。
上半場李斯特城戰術上主要防守等待反擊機會，低位防守保護禁區，再等左翼嘅法迪胡打突擊交比前鋒華迪。整體願景如此但實情係捱打為主，熱刺上半場擁有73%嘅控球率，10次起腳5次中龍並且係29分鐘麥迪臣左路禁區外傳中，柏度普路(Pedro Porro)內切斜cut入十二碼點，頭鎚一頂入網，為熱刺領先一比零。
數據上開波頭15分鐘熱刺已經有5次起腳，新援蘇蘭基有時候做到支點駁腳、係禁區停波嘅作用，麥迪臣不斷游走但靠向左路支援孫興慜，而熱刺上半場進攻都較為依賴左邊孫仔發板，雖然只入一球，但進攻上已經令對方瀕臨死亡。
下半場熱刺更加著重地面組織同利用右路進攻，而57分鐘李斯特城一次反擊，左閘基斯甸臣傳中不果，輪到右路法迪胡傳中，熱刺中堅羅美路防守失誤再包越位，華迪小禁區一頂入網，貢獻李斯特城重返英超第一球並且追平比數一比一！
李城入球乘勝追擊壓前進攻，70分鐘中路比波走位，華迪壓入禁區單對單面對門將一射被撲出。1分鐘後熱刺角球攻勢，賓坦古亞一次爭頂倒地腦震盪，需要吸氧氣由擔架抬出。及後熱刺一口氣換入添姆雲拿、古路錫夫斯基、艾治格雷(Archie Gray)同貝治禾(Lucas Bergvall)，換人後係禁區搓傳做得更加幼細，但依舊未能破門，加上李察利臣未能把握最後一擊，最終李斯特城1比1賽和熱刺，取得重返英超第一分。
李斯特城今日取得1分確實振奮人心，特別係老將華迪入球後咆哮慶祝，直接宣告李斯特城重返英超。今日防守4-4-2陣式上半場只係一直縮後，令到對方有過多空間出波，即使守得到傳中威脅，對方嘅角球攻勢亦差點索命，所以下半場迫返出去令對方唔會肆無忌憚壓前係成功嘅調動。球員質素上未必比得上作客嘅熱刺，但今日主隊球員所展現嘅態度係團結有拼勁，個別球員發揮更加出色，包括係門將靴文臣出迎同撲波判斷清晰，右閘側士田盡力保住後防（7次解圍、6次搶回球權），右翼法達胡跑動快、腳法靈活，而借將邦拿諾迪嘅搶截有效，推波帶波同組織進攻都有啲睇頭，所以李斯特城護級之路值得期待。
熱刺今日表現其實係冇問題，正如上述上半場10射5中龍，下半場地面傳送或者喺禁區都極具威脅，只係對方防守更加賣命而不幸地失去2分。新加盟嘅成員需要時間磨合，李察利臣嘅把握力同添姆雲拿嘅位置問題亦需要解決，因此熱刺整體進攻感覺問題不大。
如果睇到呢度，不妨follow我地嘅instagram同Youtube睇到更多唔同嘅足球資訊！
IG : Footballarena_hk
Facebook: 足球港場
Youtube: 足球港場 - Chung
請按此登錄後留言。未成為會員? 立即註冊