美斯接受訪問回顧PSG首季

足球港場 於 31/05/2022 發表 收藏文章
美斯接受訪問回顧PSG首季
loading

當歐聯決賽嘅餘韻隨住時間過去,忽然回想決賽好似少左啲野,會唔會係球皇美斯同一直攞唔到歐聯冠軍嘅巴黎聖日耳門呢👀
現年34歲嘅美斯,今季被逼轉會到PSG,同尼馬、麥巴比形成MNM三箭頭,法甲上陣26場聯賽交出6球14助攻,7場歐聯比賽亦攻入5球,對比起過往係西甲嘅神級數據同法甲賽事水平,無數球迷批評美斯離開「溫室」就跌watt,球皇不再,但其實美斯今季經歷唔少問題。
美斯接受Tyc Sports訪問時提到,由巴塞熟悉嘅地方去到迎接新挑戰的確困難,並且因為缺乏訓練令到難度進一步提升👀美斯表示:「離開巴塞確賽發生,對我而言係困難嘅轉變,困難嘅一年,因為並唔容易適應新環境。係巴塞,我有征戰多年嘅隊友係身邊,佢地熟悉我嘅性格,而PSG就係全新嘅環境。」
「我係第4輪聯賽先上演地標戰,因為我好遲先抵達球隊,然後因為膝傷有一段時間缺乏比賽,期間我並未有踢太多比賽,甚至唔能夠參與連續3到4場比賽。」

「係聖誕假期期間,我同自己講新一年會叉足電去面對改變,適應期已經終結。但好可惜我卻感染肺炎。」

「當時我唔能夠訓練,我重返球隊並用左一個半月都唔能夠跑動,因為肺部受到嚴重影響。我並未有害怕,但佢地同我講好多事情,佢地亦唔批准我做任何事,我好想上場踢波,而我係未適合嘅時候上陣,結果令情況變得更差。」

「後來當我回復到一半狀態,當時就要決戰皇馬,面對歐聯被皇馬淘汰出局,唔單止打擊球員,更加打擊我同整個更衣室,甚至整個巴黎,因為大家對我地都有美好嘅期望。」
美斯其後亦表達下季將會迎來更好嘅表現係PSG,唔知美斯有無機會再次衝擊歐聯冠軍呢👀
如果睇到呢度,不妨follow我地嘅instagram睇到更多唔同嘅足球資訊!
IG : Footballarena_hk
Facebook: 足球港場
loading

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→