維拉2比1作客擊敗李斯特城 雙方後備球員各自建功
英超第三週賽事，李斯特城主場對阿士東維拉，主隊李斯特城係轉會死線日之前都有多兩個引援，包括係從水晶宮借入艾度亞特(Odsonne Edouard)同以2000萬歐元購入嘅摩洛哥新星艾簡奴斯(Bilal El Khannous)，而今日李斯特城排出 4-4-1-1陣式，中堅奧高利(Memeh Caleb Okoli)出任正選左中堅，佐郭阿休(Jordan Ayew)踢左翼取代波比列特，史基比(Oilver Skipp)防中，而尼迪迪就踢前一格係攻擊中場位置。阿士東維拉今日4-4-1-1陣式，卡殊(Matty Cash)因傷缺陣，右閘用上青訓產品保加迪(Lamare Bogarde)，而中場泰利文斯則倒戈重返皇權球場。
李斯特城今日有別於過往兩場只係縮後防守，反而推前少少敢於進攻組織，進攻時形成3-2後場組織，左閘基斯迪安臣(Victor Kristiansen)壓前，佐敦阿休內切拉開空間，防中尼迪迪就打Box-to-Box中場，嘗試以其身位同覆蓋能力打出缺口。翼鋒方面發迪胡勤力回防，佐敦阿休雖然慢吞吞但勝在有英超經驗，能夠護到皮球，更加令到對方防中奧拿拿8分鐘就食張黃牌。
然而李城中堅總有犯錯嘅時間，令屈堅斯係21分鐘曾經有半單刀機會，幸有靴文臣撲出保住大門。28分鐘維拉一次右路罰球攻勢，泰利文斯唔係斬而係比地波，後上插入嘅積及藍斯cut back傳球，由奧拿拿伏兵門前射入，為阿士東維拉打開紀錄。
同時維拉轉陣4-3–2–1陣式，屈堅斯、摩根羅渣士同積及藍斯係中路形成包圍網困住史基比同榮斯，當雙防中被困住攞唔到，李斯特城就未能組織向前進攻，因此李城係上半場雖有58%控球率但只有一次起腳。
下半場李斯特城更加積極壓前係中場搶截，相反維拉則以守待攻，64分鐘維拉換人更加即刻奏效，當時左閘迪尼落底出波，後備換入嘅杜蘭(Jhon Duran)一頂入網，擴大比分到2比0。
73分鐘輪到李斯特城後備建功，後備換入嘅馬維迪迪(Stephy Mavididi)禁區內扭過保加迪，落底出波，尼迪迪頭鎚頂去後面，由邦拿諾迪(Facundo Buonanotte)小禁區窩利抽射入網。雖然李斯特城成功追返一球，但後段無以為繼，最終李斯特城一比二落敗予阿士東維拉，英超三戰目前只得1分。
作客嘅維拉下半場嘅發揮失準，未能掌握比賽走勢，或許係奧拿拿嘅傷出削弱中場防守力，但後段防守反擊都無打到出嚟，反而蹆後任由對方進攻，能夠全取3分都算係有驚無險。
李斯特城方面先係戰術上有意組織進攻有驚喜，譬如上述3-2後場組織、左閘壓前等方面都係耳目一新，賽事尾段抽起中堅，換上所有進攻球員豪賭一鋪都有想法。至於球員方面右翼發達胡(Abdul Fatawu)嘅踢法開始比對手睇穿，防中史基比除左防守之外其餘都係水準以下，反而左翼佐郭阿休能夠博到犯規，又有帶球推進嘅能力，穩打穩扎反而係今場亮點。
中堅奧高尼今日都表現搶眼，有傳有射但位置感仍然要補強，值得寄予厚望成為正選中堅。最後係借將邦拿諾迪，確實今場後備上陣攻入一個入球，但係呢位19歲小將過於希望表現自己，賽事尾段緊張關頭禁區外無準心一腳抽射出界，此子心態必須要有所調整，否則對球隊係弊多於利。整體而言對前列球隊有今日嘅表現都唔算失禮，後防固然要加強，畢竟今日對手兩閘有唔少空間推進，但態度同決心依舊有拼勁，對於護級形勢依然樂觀。
如果睇到呢度，不妨follow我地嘅instagram同Youtube睇到更多唔同嘅足球資訊！
IG : Footballarena_hk
Facebook: 足球港場
Youtube: 足球港場 - Chung
英超第三週賽事，李斯特城主場對阿士東維拉，主隊李斯特城係轉會死線日之前都有多兩個引援，包括係從水晶宮借入艾度亞特(Odsonne Edouard)同以2000萬歐元購入嘅摩洛哥新星艾簡奴斯(Bilal El Khannous)，而今日李斯特城排出 4-4-1-1陣式，中堅奧高利(Memeh Caleb Okoli)出任正選左中堅，佐郭阿休(Jordan Ayew)踢左翼取代波比列特，史基比(Oilver Skipp)防中，而尼迪迪就踢前一格係攻擊中場位置。阿士東維拉今日4-4-1-1陣式，卡殊(Matty Cash)因傷缺陣，右閘用上青訓產品保加迪(Lamare Bogarde)，而中場泰利文斯則倒戈重返皇權球場。
李斯特城今日有別於過往兩場只係縮後防守，反而推前少少敢於進攻組織，進攻時形成3-2後場組織，左閘基斯迪安臣(Victor Kristiansen)壓前，佐敦阿休內切拉開空間，防中尼迪迪就打Box-to-Box中場，嘗試以其身位同覆蓋能力打出缺口。翼鋒方面發迪胡勤力回防，佐敦阿休雖然慢吞吞但勝在有英超經驗，能夠護到皮球，更加令到對方防中奧拿拿8分鐘就食張黃牌。
然而李城中堅總有犯錯嘅時間，令屈堅斯係21分鐘曾經有半單刀機會，幸有靴文臣撲出保住大門。28分鐘維拉一次右路罰球攻勢，泰利文斯唔係斬而係比地波，後上插入嘅積及藍斯cut back傳球，由奧拿拿伏兵門前射入，為阿士東維拉打開紀錄。
同時維拉轉陣4-3–2–1陣式，屈堅斯、摩根羅渣士同積及藍斯係中路形成包圍網困住史基比同榮斯，當雙防中被困住攞唔到，李斯特城就未能組織向前進攻，因此李城係上半場雖有58%控球率但只有一次起腳。
下半場李斯特城更加積極壓前係中場搶截，相反維拉則以守待攻，64分鐘維拉換人更加即刻奏效，當時左閘迪尼落底出波，後備換入嘅杜蘭(Jhon Duran)一頂入網，擴大比分到2比0。
73分鐘輪到李斯特城後備建功，後備換入嘅馬維迪迪(Stephy Mavididi)禁區內扭過保加迪，落底出波，尼迪迪頭鎚頂去後面，由邦拿諾迪(Facundo Buonanotte)小禁區窩利抽射入網。雖然李斯特城成功追返一球，但後段無以為繼，最終李斯特城一比二落敗予阿士東維拉，英超三戰目前只得1分。
作客嘅維拉下半場嘅發揮失準，未能掌握比賽走勢，或許係奧拿拿嘅傷出削弱中場防守力，但後段防守反擊都無打到出嚟，反而蹆後任由對方進攻，能夠全取3分都算係有驚無險。
李斯特城方面先係戰術上有意組織進攻有驚喜，譬如上述3-2後場組織、左閘壓前等方面都係耳目一新，賽事尾段抽起中堅，換上所有進攻球員豪賭一鋪都有想法。至於球員方面右翼發達胡(Abdul Fatawu)嘅踢法開始比對手睇穿，防中史基比除左防守之外其餘都係水準以下，反而左翼佐郭阿休能夠博到犯規，又有帶球推進嘅能力，穩打穩扎反而係今場亮點。
中堅奧高尼今日都表現搶眼，有傳有射但位置感仍然要補強，值得寄予厚望成為正選中堅。最後係借將邦拿諾迪，確實今場後備上陣攻入一個入球，但係呢位19歲小將過於希望表現自己，賽事尾段緊張關頭禁區外無準心一腳抽射出界，此子心態必須要有所調整，否則對球隊係弊多於利。整體而言對前列球隊有今日嘅表現都唔算失禮，後防固然要加強，畢竟今日對手兩閘有唔少空間推進，但態度同決心依舊有拼勁，對於護級形勢依然樂觀。
如果睇到呢度，不妨follow我地嘅instagram同Youtube睇到更多唔同嘅足球資訊！
IG : Footballarena_hk
Facebook: 足球港場
Youtube: 足球港場 - Chung
請按此登錄後留言。未成為會員? 立即註冊