皇馬十二碼淘汰曼城 兩支歐洲勁旅高水平較量
歐聯八強次回合賽事，曼城主場對皇家馬德里，首回合兩隊踢成三比三，今場曼城主場出擊，3-2-4-1陣式派出迪布尼、卡爾獲加復任正選，艾簡治則擔任防中位置。至於另一邊嘅皇家馬德里4-4-2陣式依舊由雲尼修斯同比寧咸擔任雙前鋒，拿祖(Nacho Fernandez)則取代曹亞文尼擔任正選中堅。
上半場初段皇馬嘅突擊較有優勢，12分鐘皇馬進攻雲尼修斯右路禁區橫傳，尾柱洛迪高一射被門將艾達臣精彩撲出，近門再度起腳破網，連環施射下入球，協助皇馬領先一比零。呢一球係球員質素致勝嘅入球，整個入球過程純粹由後場長波斬上去，比寧咸係前場黐落嚟，𣊬間利用到曼城鬆散嘅防線，當然最後卡爾獲加包越位先令入球成立，但呢一個入球已經奠定咗球賽嘅基調。
落後之下，曼城加強壓力，特別係迪布尼右路出波同運用夏蘭特嘅高空優勢，其中19分鐘夏蘭特就有一次頭槌攻門中楣。
與此同時皇馬嘅突擊對住曼城壓上前嘅防線相當有效，其中兩次上半場雲尼修斯都差少少能夠創造機會。除咗突擊，皇馬後場組織亦相當具威脅，因為球員有大量嘅無球走動，佢哋嘅走位並冇區限於陣式，而係相對流動，不斷現身或回後幫波，無形之中就會打到一次有效嘅反擊。
話雖如此，皇馬喺上半場領先一比零帶入更衣室，下半場則成為曼城嘅天下，因為曼城全軍壓境，整個下半場共有15次射門，縱觀全場角球數字更加係誇張嘅18比1，可見曼城嘅壓迫。當中曼城核心迪布尼相當上力，開出嘅角球都貼門，遠射又有次射門，係全隊最具威脅嘅球員。下半場不斷喺禁區外搓傳，直到76分鐘迪布尼終於破門，後備換入嘅杜古活力十足，對住卡華查高速落底射門，魯迪加小禁區解圍不遠，迪布尼門前補射入網，曼城終於扳平比數。
乘着氣勢迪布尼78分鐘禁區外中路峨眉月頂亦有一次遠射，只可惜楣頂僅僅高出，結果兩隊喺90分鐘踢成一比一，加時階段皇馬先後換入華斯基斯同艾達米列達奧，雖然喺右路防守差啲造成險象，但皇馬整場成功守到十二碼階段。
十二碼階段雖然皇馬老將摩迪第一輪射失，但曼城都有高華錫同貝拿度施華射失，即使曼城最後一輪玩心理戰用門將艾達臣主射十二碼入網，不過皇馬最後一輪由魯迪加射十二碼擦內柱入網，最終皇馬十二碼四比三勝出，淘汰曼城殺入歐聯四強，對手將會係德甲拜仁慕尼黑，而另一邊嘅四強戲碼就係多蒙特對巴黎聖日耳門。
一場高水平嘅歐洲球壇勁旅對碰，雖然冇手回合三比三咁多入球，但賽事內容都相當豐富。主隊嘅曼城喺90分鐘內其實都有殺死比賽嘅機會，例如上半場夏蘭特嘅頭槌攻門中楣，迪布尼下半場嘅禁區起腳失機，但縱觀全場曼城能夠壓住皇馬進攻已經係相當厲害，特別係迪布尼嘅表現角球同遠射都極具質素。除咗迪布尼之外，第二位搶鏡嘅球員絕對係後備入替嘅杜古，佢嘅高速落底同盤扭係曼城下半場嘅唯一殺著，更加係曼城入球嘅主因。唯獨一位球員可能會被批評嘅就係夏蘭特，上半場三次頭槌攻門，未能好好運用高空優勢較為失色，下半場大部份時間都被皇馬球員壓制冇輸送，只係尾段再有兩次埋門機會，不過威脅都唔算大。兩戰皇馬都冇入球或許又會被批評為「英乙球員」，無可否認佢嘅表現係唔理想，但實際上佢都有創造兩次機會，並且喺前場都有一兩次支點作用，因此哥迪奧拿喺加時階段其實會否用艾華利斯換科頓，而非換走夏蘭特會更好呢？科頓喺補時階段交出嘅表現已經反映個人體力狀態大幅下降，而艾華利斯喺擔任箭頭亦未能交出表現，所以呢個係斟酌嘅地方。
至於晉級嘅皇馬方面，今日門將盧連(Andriy Lunin)絕對係MVP，120分鐘8次撲救、4個手錘、14次Recoveries，另外仲有兩次十二碼撲救，面對曼城嘅圍攻並冇怯場，盧連嘅把關能力係皇馬晉級嘅一半原因。另一半嘅原因係全隊嘅防守能力同個人質素，上半場所展現嘅後場搓傳、長波同突擊靠嘅都係個人質素，下半場主要交出嘅就係防守集中度，無論曼城喺禁區外點樣左轉右、右轉左，就係未能拉扯空間，因為皇馬就係10個人守係禁區內，曼城無計可施之下先會帶入加時狀態，再度強調角球數據上曼城係18比1，皇馬係去到補時階段106分鐘先有第一個角球，側面反映今場皇馬主要時間都係防守。最後值得一讚嘅仲有右閘卡華查(Daniel Carvajel)，呢位32歲老將大部份時間成功守住基亞利殊同杜古，只係力戰到110歲傷出倒下。
一場高水平嘅對碰其實兩隊都有資格勝出，實力上交出嘅水平都相當接近，而皇馬憑着十二碼取勝晉級四強亦都實至名歸，四強對手將會係拜仁慕尼黑，再一次嘅強強對碰皇馬能否再下一城呢？
歐聯八強次回合賽事，曼城主場對皇家馬德里，首回合兩隊踢成三比三，今場曼城主場出擊，3-2-4-1陣式派出迪布尼、卡爾獲加復任正選，艾簡治則擔任防中位置。至於另一邊嘅皇家馬德里4-4-2陣式依舊由雲尼修斯同比寧咸擔任雙前鋒，拿祖(Nacho Fernandez)則取代曹亞文尼擔任正選中堅。
上半場初段皇馬嘅突擊較有優勢，12分鐘皇馬進攻雲尼修斯右路禁區橫傳，尾柱洛迪高一射被門將艾達臣精彩撲出，近門再度起腳破網，連環施射下入球，協助皇馬領先一比零。呢一球係球員質素致勝嘅入球，整個入球過程純粹由後場長波斬上去，比寧咸係前場黐落嚟，𣊬間利用到曼城鬆散嘅防線，當然最後卡爾獲加包越位先令入球成立，但呢一個入球已經奠定咗球賽嘅基調。
落後之下，曼城加強壓力，特別係迪布尼右路出波同運用夏蘭特嘅高空優勢，其中19分鐘夏蘭特就有一次頭槌攻門中楣。
與此同時皇馬嘅突擊對住曼城壓上前嘅防線相當有效，其中兩次上半場雲尼修斯都差少少能夠創造機會。除咗突擊，皇馬後場組織亦相當具威脅，因為球員有大量嘅無球走動，佢哋嘅走位並冇區限於陣式，而係相對流動，不斷現身或回後幫波，無形之中就會打到一次有效嘅反擊。
話雖如此，皇馬喺上半場領先一比零帶入更衣室，下半場則成為曼城嘅天下，因為曼城全軍壓境，整個下半場共有15次射門，縱觀全場角球數字更加係誇張嘅18比1，可見曼城嘅壓迫。當中曼城核心迪布尼相當上力，開出嘅角球都貼門，遠射又有次射門，係全隊最具威脅嘅球員。下半場不斷喺禁區外搓傳，直到76分鐘迪布尼終於破門，後備換入嘅杜古活力十足，對住卡華查高速落底射門，魯迪加小禁區解圍不遠，迪布尼門前補射入網，曼城終於扳平比數。
乘着氣勢迪布尼78分鐘禁區外中路峨眉月頂亦有一次遠射，只可惜楣頂僅僅高出，結果兩隊喺90分鐘踢成一比一，加時階段皇馬先後換入華斯基斯同艾達米列達奧，雖然喺右路防守差啲造成險象，但皇馬整場成功守到十二碼階段。
十二碼階段雖然皇馬老將摩迪第一輪射失，但曼城都有高華錫同貝拿度施華射失，即使曼城最後一輪玩心理戰用門將艾達臣主射十二碼入網，不過皇馬最後一輪由魯迪加射十二碼擦內柱入網，最終皇馬十二碼四比三勝出，淘汰曼城殺入歐聯四強，對手將會係德甲拜仁慕尼黑，而另一邊嘅四強戲碼就係多蒙特對巴黎聖日耳門。
一場高水平嘅歐洲球壇勁旅對碰，雖然冇手回合三比三咁多入球，但賽事內容都相當豐富。主隊嘅曼城喺90分鐘內其實都有殺死比賽嘅機會，例如上半場夏蘭特嘅頭槌攻門中楣，迪布尼下半場嘅禁區起腳失機，但縱觀全場曼城能夠壓住皇馬進攻已經係相當厲害，特別係迪布尼嘅表現角球同遠射都極具質素。除咗迪布尼之外，第二位搶鏡嘅球員絕對係後備入替嘅杜古，佢嘅高速落底同盤扭係曼城下半場嘅唯一殺著，更加係曼城入球嘅主因。唯獨一位球員可能會被批評嘅就係夏蘭特，上半場三次頭槌攻門，未能好好運用高空優勢較為失色，下半場大部份時間都被皇馬球員壓制冇輸送，只係尾段再有兩次埋門機會，不過威脅都唔算大。兩戰皇馬都冇入球或許又會被批評為「英乙球員」，無可否認佢嘅表現係唔理想，但實際上佢都有創造兩次機會，並且喺前場都有一兩次支點作用，因此哥迪奧拿喺加時階段其實會否用艾華利斯換科頓，而非換走夏蘭特會更好呢？科頓喺補時階段交出嘅表現已經反映個人體力狀態大幅下降，而艾華利斯喺擔任箭頭亦未能交出表現，所以呢個係斟酌嘅地方。
至於晉級嘅皇馬方面，今日門將盧連(Andriy Lunin)絕對係MVP，120分鐘8次撲救、4個手錘、14次Recoveries，另外仲有兩次十二碼撲救，面對曼城嘅圍攻並冇怯場，盧連嘅把關能力係皇馬晉級嘅一半原因。另一半嘅原因係全隊嘅防守能力同個人質素，上半場所展現嘅後場搓傳、長波同突擊靠嘅都係個人質素，下半場主要交出嘅就係防守集中度，無論曼城喺禁區外點樣左轉右、右轉左，就係未能拉扯空間，因為皇馬就係10個人守係禁區內，曼城無計可施之下先會帶入加時狀態，再度強調角球數據上曼城係18比1，皇馬係去到補時階段106分鐘先有第一個角球，側面反映今場皇馬主要時間都係防守。最後值得一讚嘅仲有右閘卡華查(Daniel Carvajel)，呢位32歲老將大部份時間成功守住基亞利殊同杜古，只係力戰到110歲傷出倒下。
一場高水平嘅對碰其實兩隊都有資格勝出，實力上交出嘅水平都相當接近，而皇馬憑着十二碼取勝晉級四強亦都實至名歸，四強對手將會係拜仁慕尼黑，再一次嘅強強對碰皇馬能否再下一城呢？
請按此登錄後留言。未成為會員? 立即註冊