港場預測 - 曼城奪冠最後一隻攔路虎

足球港場 於 15/05/2022 發表 收藏文章
曼城奪冠最後一隻攔路虎🐯
⚒️韋斯咸 對 曼城🌙
loading
嚟到聯賽最後直路,曼城領先利物浦3分,餘下賽程要對付韋斯咸同埋阿士東維拉,相信韋斯咸就係最後一隻攔路虎🐯上一場迪布尼個人大四喜但其實週中作客完狼隊又要轉戰鎚仔幫,體力或有所影響,另外中堅史東斯、戴亞斯收咧,獲加繼續受傷,費蘭甸奴同拿撲達上陣成疑,變相一對中堅有機會由艾基同洛迪擔任,無左洛迪係中場掃蕩,今晚應該會有暗湧,前題係洛迪要頂替中堅位置🥵
至於主隊嘅韋斯咸知道今晚會係一場大戰,除左決定佢地來季能否出戰歐霸盃,更加係隊長盧保最後一次為韋斯咸係主場上陣,領隊莫耶斯就表示:「相信今次係我地終於有一個星期準備比賽,如果可以踢到歐霸盃當然更好,但踢歐協聯都算唔錯,我地會嘗試參戰歐霸盃,我非常期待對碰曼城,因為佢地係聯賽其中一支強勁嘅對手。我希望佢地用晒啲入球quota並會讓步,我地會盡力交出頂級防守。」
「我地曾經係聯賽盃淘汰曼城出局,冇錯我哋係晉級,但我地以十二碼取勝。我地係首循環嘅雪戰以1比2落敗,所以今晚我地會盡力拉近距離兼希望取得入球。」
預測賽果💡
曼城不勝
如果睇到呢度,不妨follow我地嘅instagram睇到更多唔同嘅足球資訊!
IG : Footballarena_hk
Facebook: 足球港場
loading

留言


請按此登錄後留言。未成為會員? 立即註冊
    快捷鍵:←
    快捷鍵:→