港場預測 - 利物浦後上奪冠最大難關

利物浦後上奪冠最大難關⁉️
🔴利物浦 對 熱刺🔱
星期六嘅英超因為英冠最後一輪比賽而延後到晚上10點先開始，今晚呢場大戰雖然將會喺香港時間深夜2:45先開戰，但必定唔會係深夜西波🤣
利物浦各項比賽13場不敗，上一場對維拉利爾更加驚險過關，上半場被打到一仆一碌懷疑人生，下半場換入迪亞斯就扭轉戰局，當然對手體力斷崖式下滑係主因，但換入嘅迪亞斯能夠提供速度突破，又有提供無球走動同拉扯作用，1月搶贏熱刺真係冬季最佳收購🤪而如果講到對黃潛嘅泥漿摔角唔啱泰亞高踢，今場面對住客隊縮後防守就絕對適合佢發揮，然而高壓防線一打穿就係孫簡組合嘅世界，加上遠征西班牙後又要激戰熱刺，或者會有暗湧🧐
熱刺方面仍然要為前四席位努力，不過近3場只有1勝，上場對李城確實連入3球但對手其實係半力出擊，今晚作客晏菲路球場能唔能夠攞到分呢👀
回顧返首循環熱刺主場2比2戰和紅軍，其中防守反擊有大量機會，簡尼、孫興慜同阿里都各自浪費一次單刀機會，不過要留意返當時紅軍中場球員係米拿、後生仔摩頓同基達，所以今晚就未必可以經常一腳打穿。話雖如此，孫仔近5場攻入6球2助攻，上場左腳世界波技驚四座，相信今晚又會有進帳🔥預測賽果💡
2.5球大😈
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場