杜曹賽後為落敗解話

足球港場 於 15/05/2022 發表 收藏文章
杜普賽後為落敗解話
loading

足總盃嘅勝方利物浦固然厲害,領隊高普完成獎盃大滿貫,阿諾亦係23歲之齡贏晒最高榮譽嘅球會獎盃,隊長軒達臣亦有大將之風,走去安慰射失十二碼嘅美臣蒙特,但其實落敗嘅車路士亦有討論嘅地方,包括點解無出添姆雲拿、路夫斯卓克只係打十幾分鐘同換巴克利等等🥲
杜曹賽後表示:「路夫斯卓克並無受傷,出佢又換走佢係純粹為十二碼作準備,路夫斯卓克無良好嘅經驗但巴克利有,所以就係最後換走佢。」相信杜曹係想利用久疏戰陣嘅巴克利作奇招,無數據比高普同艾利臣估佢射邊。
「今季我地四次證明我哋能夠交出頂尖表現同利物浦係同一個水平競技,每次結果都係問心無愧,賽果可以走向我地或佢地嘅方向。」
「唯一分別係佢地可以克服週中週末嘅比賽,除左法賓奴,佢地以良好狀態出戰。而我地有好多球員受傷,簡迪賽前只係參與一課訓練而高華錫亦負傷出戰,我相信呢個就係差別來源。」
及後提到雲拿:「添姆雲拿係熱身時受傷兼感到不適,佢自己有表示唔能夠出戰。」
最後講到賽果:「正如上次聯賽盃決賽,我無後悔,我為球隊感到驕傲,我地係240分鐘同可能係世上最危險嘅攻擊隊伍踢成0比0,我地只係輸十二碼,固然我地失望同唔開心,但同時感到自豪因為我地已經付出所有。」
開季嘅時候大眾球迷對車路士有寄望係正常,但今季車路士陷入多事之秋,包括賣盤、被制裁、後場球員被收購、盧卡古事件,而且係歐洲踢得最多場比賽嘅球隊,今季亦有世冠盃同歐超盃落袋,你地又滿唔滿意今季嘅車路士呢🤔
如果睇到呢度,不妨follow我地嘅instagram睇到更多唔同嘅足球資訊!
IG : Footballarena_hk
Facebook: 足球港場
loading

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→