愛華頓神奇反勝兼護級成功

足球港場 於 20/05/2022 發表 收藏文章
愛華頓神奇反勝兼護級成功
loading

要為護級而戰嘅愛華頓今日主場出擊,面對着無慾無求嘅水晶宮,對手收起主力加拉加,但水晶宮仍然未能取得優勢,上半場空有控球但進攻威脅唔大,反而比客隊係21分鐘由馬迪達球鎚頂入先開紀錄,36分鐘更加有隊長高文被馬迪達撞開再單刀射門,但米哥蘭高同門將有啲誤會,皮球落係沙夏腳下一射,愛華頓再解圍不遠,佐敦阿休門前心口一控入網,上半場水晶宮領先到2比0。
然而愛華頓下半場上演絕地大反擊,半場領隊林柏特換入迪利阿里,而阿里亦成功回饋林伯增加中場控波能力。愛華頓下半場主要加快節奏兼增加兩邊傳中,54分鐘一對中堅合作製造入球,75分鐘阿里係右邊射門省中人,但安達臣解圍不遠,由李察利臣禁區射入追平比分。
愛華頓追平後仍未滿足,85分鐘一次死球攻勢,由李察利臣飛身頭鎚頂入,奇情反cup水晶宮,入球一刻部分主場球迷都衝入場慶祝,因為呢場勝仗為佢地帶來3分,同列斯聯拉開4分距離,變相在此正式宣布愛華頓護級成功🙌🏻
林柏特由當日代替肥賓執教愛華頓,1月搵迪利阿里同雲迪碧克幫手,但呢兩位球員為護級真正幫助到幾多都心知肚明,唯一轉變係林伯自己放低執著面對現實放棄高位逼搶,根據球隊現況而制定戰術,當中前阿仙奴嘅伊禾比就係林伯隊中表現逐漸改善,然而球隊能夠係今場護級有一定嘅運氣,因為下半場客隊嘅反擊威脅比愛華頓不斷傳中嘅威脅更大,最終能夠係最後一輪前逃出生天,第38輪聯賽就要睇般尼定列斯聯降班。
如果睇到呢度,不妨follow我地嘅instagram睇到更多唔同嘅足球資訊!
IG : Footballarena_hk
Facebook: 足球港場
loading

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→