威爾斯國腳齊齊轉戰法甲

足球港場 於 02/08/2022 發表 收藏文章
威爾斯國腳齊齊轉戰法甲
loading

威爾斯國腳齊齊轉戰法甲,上季下半季外借到格拉斯哥流浪嘅艾朗藍斯,早前同祖雲達斯達成雙方協議提早解約,繼而免簽加盟法甲尼斯,相信同國家隊隊友巴爾一樣保持狀態備戰世界盃,但31歲嘅佢往後發展會否同法比加斯一樣留係法甲但被棄用就不得而知,不過上季效力格流令人最深刻嘅或許係歐霸盃決賽後備上陣射失關鍵嘅十二碼,繼而令球隊輸掉決賽🤧
與此同時藍斯國家隊隊友祖朗當(Joe Rodon)都轉戰法甲,呢位24歲熱刺中堅小將未能得到領隊干地嘅歡心,上季係聯賽只係上陣過3場合共87分鐘,而朗當其實係2020年10月由史雲斯加盟熱刺,當時摩連奴亦給予唔少上陣機會,但當然經驗質素都係不足,今次外借雷恩包含一項2000萬歐元可買斷嘅條款,預計朗當會成為雷恩嘅輪換中堅👀
除左威爾斯國腳轉戰法甲,仲有阿仙奴嘅巴洛根(Folarin Balogun)外借法甲蘭斯一季,另外國際米蘭同山齊士接近達成雙方同意終止現時合約,法甲嘅馬賽非常有興趣將佢簽下🎹
最後,尼斯除左簽下藍斯,而且非常接近簽下李斯特城嘅門將卡舒柏舒米高,基於正選門將禾特賓尼迪斯(Walter Benitez)約滿離隊轉戰燕豪芬,尼斯急需一個正選門將,繼而向35歲門將舒米高招手,盛傳尼斯向佢開出3年合約同支付100萬歐元轉會費,對於一位35歲嘅門將獲得一紙3年合約確實令人心動,加上其實上季嘅比賽見到舒米高都有少少跌watt,或者係時候退位讓賢🥶暫時羅渣士對於舒米高嘅離隊安排係由二號門將丹尼禾特出任正選門將,那麼球隊嘅實力並非提升而係削弱,對於來季能否重返歐洲賽變得無咁大信心🥲
如果睇到呢度,不妨follow我地嘅instagram睇到更多唔同嘅足球資訊!
IG : Footballarena_hk
Facebook: 足球港場
loading

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→