坦哈格入主曼聯後第一簽

足球港場 於 02/07/2022 發表 收藏文章
坦哈格入主曼聯後第一簽
loading

日日都「傳曼聯」但今次真係Done Deal,根據Fabrizio Romano嘅報導,曼聯成功攔途截劫簽下荷蘭新晉國腳22歲左閘球員馬拉西亞(Tyrell Malacia),曼聯將會支付1500萬歐元+200萬歐元嘅浮動條款,雙方將會簽下五年合約,而球員亦渴望效力曼聯👹
飛燕諾嘅馬拉西亞今季打出名堂,聯賽32場交出1球4助攻,場均攔截亦有1.8次,協助球隊殺入歐協聯決賽,數據上並非超級突出但有上升空間,同埋係有一個有拼勁有鬥心嘅球員,所以1500萬歐元值得一試⚡️
至於轉會曼聯並非球員本來嘅意願,因為馬拉西亞同飛燕諾本來已經同法甲里昂傾好,畢竟里昂教頭係荷蘭人,加上借將艾馬臣將會回歸車路士,馬拉西亞同漢歷基(Henrique)二人將會負責左閘位置,換而言之球員係有穩定嘅上陣機會👀不過曼聯突然插手又比多啲錢,球會當然願意因為價高者得,而球員亦渴望加盟曼聯,因此兩者一拍即合🤙🏻
馬拉西亞作為坦哈格嘅第一簽,盛傳坦哈格教阿積士就對佢有興趣,簽到心頭好又補強左閘確實唔錯,而且係荷蘭兵易溝通,不過來季梳爾傷癒復出,仲有泰利斯同馬拉西亞,未知會如何安排,因為個人認為泰利斯下半季被批評防守黑洞係礙於左翼無回防同戰術制定上嘅問題居多,所以係坦哈格調教下泰利斯或許能夠揚長避短,不過就要睇下坦哈格嘅功力👀
如果睇到呢度,不妨follow我地嘅instagram睇到更多唔同嘅足球資訊!
IG : Footballarena_hk
Facebook: 足球港場
loading

如果喜歡我們的文章,請即分享到︰

標籤: 英超  曼聯  荷甲  飛燕諾  馬拉西亞  坦哈格  泰利斯  梳爾  法甲  里昂  

留言


請按此登錄後留言。未成為會員? 立即註冊
    快捷鍵:←
    快捷鍵:→